Köhnə versiya

Ən son xəbərlər

Son buraxılış
Arxiv

“Shusha Chess-2022” beynəlxalq şahmat turnirinin açılış mərasimi keçirilib

Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğu İdarəsinin birgə təşkil etdiyi “Shusha Chess-2022” beynəlxalq şahmat turnirinin açılış mərasimi keçirilib.

Bu barədə "Xalq qəzeti"nə Nazirliyin Mətbuat xidmətindən məlumat verilib.

Tədbirdə ölkəmizin ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib. Ardınca Şuşadan və turnirdən bəhs edən videoçarx nümayiş olunub.

Açılış mərasimində gənclər və idman naziri Fərid Qayıbov, Azərbaycan Şahmat Federasiyasının prezidenti Mahir Məmmədov, Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov, Azərbaycan Milli Olimpiya Komitəsinin baş katibi Azər Əliyev və digər qonaqlar iştirak edirlər.

Açılış mərasimindən sonra yarışın püşkatma mərasimi baş tutub və ilk turun görüşləri keçirilib. İki kateqoriyada - kişilər və qadınlar arasında təşkil olunan turnirdə doqquz ölkədən şahmatçılar rapid və blits üzrə yarışırlar.

22 Sentyabr 2022 15:25 - İDMAN
İDMAN

Köhnə versiyamızdan xəbərləri izlə