Köhnə versiya

Ən son xəbərlər

Son buraxılış
Arxiv

Azərbaycanlı alim “Lev Tolstoy” mükafatına layiq görüldü

Azərbaycan Milli Elmlər Akademiyası Nəsimi adına Dilçilik İnstitutunun türk dilləri şöbəsinin müdiri, "Türkologiya" jurnalının məsul katibi, filologiya üzrə fəlsəfə doktoru Elçin İbrahimov Tatarıstan Respublikası Kazan Federal Universiteti filologiya fakültəsinin dekanı, “Tatarıca” jurnalının baş redaktoru professor Radif Zamaletdinovla görüşüb.

Görüş zamanı Tatarıstan türkoloji mühiti ilə “Türkologiya" jurnalı arasında əməkdaşlıq haqqında müzakirələr aparılıb. E.İbrahimov Türkologiya sahəsindəki fəaliyyətlərinə görə Kazan Federal Universitetinin ali mükafatı olan “Lev Tolstoy” medalı ilə təltif edilib.

science.gov.az saytı yazır ki,  daha sonra Tatar dili və ədəbiyyatı kafedrasının magistrlərinə “Türk dillərinin müasir vəziyyəti” mövzusunda mühazirə oxuyan E.İbrahimov çağdaş türkoloji araşdırmalar, türk dillərində ortaq ünsiyyət dili, ortaq türk əlifbası, türk dövlətlərində dil siyasəti və digər aktual məsələlərə toxunub.

Sonda E.İbrahimov tələbələri maraqlandıran sualları cavablandırıb.

Əlipənah BAYRAMOV,
“Xalq qəzeti”

15 Dekabr 2018 17:10 - ELM
ELM

Köhnə versiyamızdan xəbərləri izlə