Köhnə versiya

Ən son xəbərlər

Son buraxılış
Arxiv

Jozep Borrel Serbiya və Kosovo liderlərini Brüsselə dəvət edib

Avropa İttifaqının baş diplomatı Jozep Borrel Serbiya prezidenti Aleksandr Vuçiçi və Kosovonun baş naziri Albina Kurtini avqustun 18-də danışıqlar apar­maq üçün Brüsselə dəvət etmişdir.

Jozep Borrel dəvətlə bağlı “Twitter” səhifəsində yazıb: “Mən Serbiya prezidenti Vuçiçi və Kosovonun baş naziri Kurtini Priştina və Belqrad arasında irəliləyişə nail olmaq yollarını müzakirə etmək üçün avqustun 18-də Brüsselə dəvət edirəm”.

Qeyd edək ki, açıq qalan məsələlərin müzakirəsi məqsədilə Vuçiç və Kurti əvvəllər də Brüsselə dəvət olunublar. Borrel bildirib ki, Belqrad və Priştina ara­sındakı gərginlik bilavasitə siyasi liderlərin danışıqlar masası arxasına oturmaq istəməmələrinin nəticəsidir.

İki ölkə arasında gərginliyin artması üzündən iyulun 31-də Kosovo və Metoxiyada vəziyyət kəskin pisləşmişdir. Serbiya sənədləri ilə sərhədin keçilməsini qadağan etmək məqsədilə Kosovo polisi nəzarət-buraxılış məntəqəsini bağlamışdır. Buna cavab olaraq Kosovonun şimalında yaşayan serblər etiraz aksiyası keçirərək magistral yolda barrikadalar qurmuşlar. Gərginliyin qarşısını almaq üçün Kosovoda NATO-nun mandatı altındakı beynəlxalq təhlükəsizlik qüvvələri İbar çayı üzərindəki körpünün yaxınlığına gətirilmişdir.

Beynəlxalq təzyiqin artması sayəsində Priştina Serbiya sənədləri ilə sərhədin keçilməsinə dair qadağanı sentyabrin 1-nə qədər təxirə salmışdır.

“Xalq qəzeti”

7 Avqust 2022 09:49 - XARİCİ XƏBƏRLƏR
XARİCİ XƏBƏRLƏR
1 Oktyabr 2022 | 23:30
İndoneziyada zəlzələ
1 Oktyabr 2022 | 23:07
Xarici xəbərlər

Köhnə versiyamızdan xəbərləri izlə