Köhnə versiya

Ən son xəbərlər

Son buraxılış
Arxiv

Gənclər Fondunun yenidən formalaşdırılmış Müşahidə Şurasının ilk iclası keçirilib

Prezident İlham Əliyevin 2022-ci il 7 iyun tarixli Sərəncamına əsasən Azərbaycan Respublikasının Gənclər Fondunun yenidən formalaşdırılmış Müşahidə Şurasının ilk iclası keçirilib.

Fondun mətbuat xidmətindən bildirilib ki, Müşahidə Şurasının sədri, Azərbaycan Respublikası Prezidenti Administra­siyasının Gənclər siyasəti və idman məsələləri şöbəsinin müdiri Yusuf Məmmədəliyevin rəhbərliyi ilə keçirilən iclasda Şuranın yeni üzvləri və Fondun icraçı direktoru iştirak ediblər.

Əvvəlcə Fondun Müşahidə Şurasının sədri və yeni üzvləri göstərilən etimada görə dövlət başçısına minnətdarlıqlarını bildiriblər.

Y.Məmmədəliyev iclasda vurğulayıb ki, Prezident İlham Əliyevin rəhbərliyi ilə həyata keçirilən dövlət gənclər siyasətinin əsas istiqamətləri gənclərin yüksək səviyyəli təhsil almaları, xalqımızın zəngin ənənələri, milli-mənəvi dəyərləri ruhunda yetişmələri, ölkənin ictimai-siyasi, mədəni həyatına, dövlət idarəçiliyinə cəlb olunmaları, fəal və sağlam həyat tərzi sürmələrini təmin etməkdən ibarətdir.

Sonra Gənclər Fondunun dövlət gənclər siyasətinin səmərəli icrasına töhfə verməsi istiqamətində gördüyü işlərə nəzər yetirilib, Fondun 10 illik fəaliyyətinə dair hesabat və bu müddət ərzində icra olunmuş genişmiq­yaslı müxtəlif proqramlar barədə təqdimatlar dinlənilib. Həmçinin cari il üzrə Fəaliyyət Planı çərçivəsində dövlət başçısı tərəfindən 2022-ci ilin “Şuşa İli” elan olunması ilə əlaqədar gənclər təşkilatları və gənclərin iştirakı ilə keçiriləcək tədbirlər planı müzakirə olunub.

İclasda Fondun fəaliyyətinin təkmilləşdirilməsi məqsədilə bir sıra tənzimləyici sənədlərə və Fondun strukturuna dəyişikliklər edilməsi ilə bağlı qərar verilib.

Müşahidə Şurasının qərarı ilə Fond tərəfindən gənclər üçün yeni formatda fərdi qrant müsabiqəsi elan edilib və bununla bağlı elan Fondun müvafiq internet resurslarında (internet səhifəsi, GENCAPP - mobil tətbiq və sosial şəbəkələrdə) yerləşdirilib.

Qeyd edək ki, Müşahidə Şurasının yeni tərkibinə mədəniyyət nazirinin birinci müa­vini Elnur Əliyev, gənclər və idman nazirinin müavini İndira Hacıyeva, əmək və əhalinin sosial müdafiəsi nazirinin müavini Anar Əliyev, təhsil nazirinin müavini Muxtar Məmmədov, Azərbaycan Respublikası Gənclər Təşkilatları Milli Şurasının (NAYORA) sədri Azər Əliyev, Azərbaycan Tələbə Gənclər Təşkilatları İttifaqının (ATGTİ) sədri Pərviz Mirələmli, Azərbaycan Könüllü Təşkilatları İttifaqının (AKTİ) idarə heyətinin üzvü Emiliya Bayramova, Azərbaycanlı Tələbələr və Məzunlar Platfor­masının (ASAP) idarə heyətinin üzvü Bəxtiyar İslamov daxildir.

7 İyul 2022 00:01 - SİYASƏT
SİYASƏT
17 Avqust 2022 | 00:58
Lider qətiyyəti

Köhnə versiyamızdan xəbərləri izlə