Finlandiya və İsveç NATO-ya üzv olmaq üzrə danışıqları başa vurublar

Finlandiya və İsveç NATO-ya üzv olmaq üzrə danışıqlara başlayıb və bir raundda danışıqları başa vurublar.

NATO-nun yaydığı bəyanatda deyilir: “Finlandiya və İsveç iyulun 4-də NATO-nun Madriddə keçirilən sammitində əldə olunan razılaşmaya uyğun olaraq NATO-ya üzv ol­maq üzrə danışıqları başa çatdırıblar. Hər iki ölkə NATO üzvlüyünün nəzərdə tutduğu siya­si, hüquqi və hərbi öhdəlikləri yerinə yetirmək istəyini və bacarıqlarını təsdiqləyib”.

Danışıqlar başa çatdıqdan sonra al­yans üzrə müttəfiqlər iyulun 5-də NATO-nun mənzil-qərargahında Finlandiya və İsveçin alyansa qoşulması haqqında müqaviləni imzalayıblar.

Növbəti mərhələdə müqavilə İsveç və Finlandiya parlamentləri, həmçinin NATO-nun üzvü olan 30 ölkə tərəfindən ratifikasiya olunmalıdır.

Qeyd edək ki, NATO-nun Madrid sammi­tinin yekun bəyannaməsində deyilir ki, Finlan­diya və İsveçin alyansa qoşulması NATO-nu daha güclü, Şimali Atlantika məkanını isə daha təhlükəsiz edəcək.

“Xalq qəzeti”