Köhnə versiya

Ən son xəbərlər

Son buraxılış
Arxiv

Finlandiyanın Rusiya ilə sərhədində NATO bazası yaradıla bilər

Finlandiyada Cənubi Kareliya əyalətinin Lappen­ranta şəhərində NATO bazasını tikmək təklifi edilib. Şəhər Rusiya ilə sərhəddən yarım saatlıq məsafədə yerləşir. Bu barədə yerli “Yle” informasiya portalı xəbər yayıb. Məlumatı “Euronews” agentliyi yayıb.

Xəbərdə deyilir ki, Lappenranta şəhərinin meri Kimmo Yarva ümid etdiyini bildirib ki, Finlandiya Şimali Atlan­tika Alyansına rəsmən qoşulduqdan sonra, bu şəhərdə NATO-nun hərbi bazası yerləşdirilə bilər.

Mənbə qeyd edir ki, bu fikir Finlandiyanın hərbi-siyasi bloka qoşulması ilə bağlı söhbətlər ölkə ictimaiyyəti arasında yenidən canlananda yaranıb. Yəni, alyans kontingentinin Lappenrantada yerləşdirilməsi məsələsi ölkənin müdafiə qüvvələri tərəfindən müzakirə olunmayıb.

Bazanın tikintisi ilə bağlı siyasi müzakirələr də aparılma­yıb, lakin mer ümid edir ki, Finlandiya NATO-ya daxil olduq­dan sonra Cənubi Kareliyanın müdafiəsinə aktiv investisiya­lar başlayacaq.

Xatırladaq ki, bu il iyunun-29-30 tarixlərində NATO-nun Madriddə növbəti sammiti keçirilib. Orada digər aktual problemlərlə yanaşı, İsveç və Finlandiyanın alyansa üzvlük məsələsinə də baxılıb və hər iki ölkəyə müsbət cavab verilib.

M.HACIXANLI, “Xalq qəzeti”

5 İyul 2022 09:17 - XARİCİ XƏBƏRLƏR
XARİCİ XƏBƏRLƏR
18 Avqust 2022 | 03:43
Rusiyada yoluxma yenidən artdı
18 Avqust 2022 | 03:04
Xarici xəbərlər

Köhnə versiyamızdan xəbərləri izlə