Köhnə versiya

Ən son xəbərlər

Son buraxılış
Arxiv

İsveç Türkiyə ilə razılaşmanın şərtlərinə əməl edəcək

İsveçin Baş naziri Maqdalena Andersson “Al­medalen” Siyasi Forumunda çıxışı zamanı bildirib ki, İsveç Türkiyə ilə razılaşmanın şərtlərinə və ter­rorçuların ekstradisiyasına dair razılaşmaya əməl edəcək.

Baş nazir razılaşmanın təfərrüatlarını şərh etməkdən imtina edərək bildirib ki, terror fəaliyyətində iştirak etməyən şəxslər narahat olmamalıdır: “İsveç vətəndaşları milli və beynəlxalq qanunlara uyğun olaraq ekstradisiya edilməyəcək. Əgər terror fəaliyyətində işti­rak etməmisinizsə, narahat olmağa dəyməz”.

Maqdalena Andersson İsveç və Finlandiyanın NATO-ya daxil olması prosesi çərçivəsində Skandinavi­ya ölkələrinin Türkiyə ilə üçtərəfli memorandum imza­layaraq hansı güzəştlərə getməsi ilə bağlı sualları şərh etməyib.

Baş nazir SVD qəzetinə açıqlamasında da qeyd edib ki, biz Türkiyə ilə razılaşmanı tam dəstəkləyirik: “Türkiyə əvvəllər də bizə ekstradisiya ilə bağlı müraciətlər edib. Biz həmin müraciətlərə fərqli yanaşırdıq. Bəzən depor­tasiya barədə qərar qəbul edirdik, lakin çox vaxt bunu etmirdik. Biz Türkiyə ilə razılaşmaya yüz faiz əməl edəcəyik”.

“Xalq qəzeti”

5 İyul 2022 07:53 - XARİCİ XƏBƏRLƏR
XARİCİ XƏBƏRLƏR
18 Avqust 2022 | 03:43
Rusiyada yoluxma yenidən artdı
18 Avqust 2022 | 03:04
Xarici xəbərlər

Köhnə versiyamızdan xəbərləri izlə