Ukraynada ağır döyüşlər davam edir

Ukraynada Rusiyanın xüsusi hərbi əməliyyatı davam edir. Dünən Rusiya hərbçiləri Ukrayna Silahlı Qüvvələrinin Baxmut şəhərindəki 10-cu briqadasının mövqelərinə raket zərbələri endiriblər. Bu barədə RF Müdafiə Nazirliyinin rəsmi nümayəndəsi general-mayor İqor Konaşenkov bəyan edib. Məlumatı “İnterfaks.ru” verib.

Konaşenkov deyib: “Rusi­ya Hərbi Kosmik Qüvvələrinin Donenskin Baxmut yaşa­yış məntəqəsi ərazisində 10-cu dağatıcı briqadasının mövqelərinə endirdiyi dəqiq zərbələr nəticədə yeddi komanda-nəzarət məntəqəsi, eləcə də hərbi texnika və canlı qüvvənin cəmləşdiyi otuz ərazi vurulub”.

Onun sözlərinə görə, Rusiyanın Hava Hücu­mundan müdafiə qüvvələri Odessa vilayətinin Belyarı yaşayış məntəqəsi üzərində Ukraynaya məxsus MiQ- 29 təyyarəsini vurub. Eyni zamanda, Xarkov vilayətinin Liptsı, Balakleya, Milıe Proxodı, Qlubokoe, Qlins­koe, Donetskin Yampol, Maslyakovka, Vasilyevka yaşayış məntəqələri üzərində Ukraynanın səkkiz pilotsuz uçuş aparatı məhv edilib. Luqanskın Svatovo rayonun­da Ukraynanın “Toçka-U” ballistik raketi tutulub.

Ukrayna Silahlı Qüvvələri Baş Qərargahının yaydığı məlumata görə, dünən Rusi­ya qoşunlarının 12 hücumu­nun qarşısı alınıb, 5 artilleriya sistemi, 5 piyadaların zirehli döyüş maşını və 5 avtomobili məhv edilib. Ukrayna Hərbi Hava Qüvvələri Rusiyanın “Ka-52” helikopterini, “Or­lan-10” tipli PUA-sını və Çer­novtsı vilayətində Rusiyanın qanadlı raketini məhv edib.

Məlumata əsasən, Qara və Azov dənizlərində Ru­siya gəmiləri Ukraynaya məxsus mülki su nəqliyyatı vasitələrini blokadada saxla­maqda davam edir.

Ümumiyyətlə, döyüşlər başlayandan bəri Ru­siyanın 29 750 hərbçisi zərərsizləşdirilib. Bundan əlavə, 3 246 ədəd zirehli dö­yüş maşını, 623 ədəd artille­riya sistemi, 201 ədəd reaktiv yaylım atəşi sistemi, 93 hava hücumundan müdafiə sistemi, 206 ədəd hərbi təyyarəsi, 170 ədəd helikopteri, 115 qanadlı raketi, 2 226 ədəd nəqliyyat vasitəsi, 13 ədəd gəmi-kateri, 503 ədəd dronu və 48 ədəd xüsusi texnikası məhv edilib.

Paşa ƏMİRCANOV,

“Xalq qəzeti”