Finlandiya və İsveç Türkiyənin tələblərini yerinə yetirməlidir

Finlandiya və İsveç NATO-ya üzvlüklə bağlı Türkiyənin tələblərini yerinə yetirməlidir.

NATO-nun baş katibi Yens Stoltenberq İspaniyanın Cadena SER radiostansiyasına açıqlamasında deyib: "Müttəfiq məsələni qaldıranda, onu tənzimləmək lazımdır. Hər zaman belə olub. Heç kim Türkiyə qədər terror hücum­larına məruz qalmayıb. “Kürdüstan İşçi Partiyası" (PKK) Avropa İttifaqında, o cümlədən İsveç və Finlandiyada terror təşkilatarı siyahısındadır. Ümid edirəm ki, bu məsələ həll olunar və Finlandiya ilə İsveçin NATO-ya üzvlüyü ilə bağlı iyunun sonundakı Madrid sammitinə qədər razılıq əldə edilər”.

Radiostansiya qeyd edib ki, Finlandiya və İsveç Madriddə NATO-nun sammitində iştirak edə bilərlər, lakin Türkiyənin tələblərinə iyunun 28-dək cavab verməsələr, Alyansa daxil olmaq üçün namizəd ölkə statusu almaq cəhdlərini təsbit etmək çətin olacaq.

Qeyd edək ki, Finlandiya və İsveçin NATO yanın­dakı səfirləri Klaus Korhonen və Aksel Vernhoff mayın 18-də təmsil etdikləri ölkənin Alyansa daxil olmaq barədə müraciətlərini baş katib Yens Stoltenberqə təqdim etmişlər.

“Xalq qəzeti”