Türkiyə cənub sərhədində 30 kilometrlik təhlükəsizlik zonası yaradır

Türkiyə cənub sərhədi boyun­ca 30 kilometrlik təhlükəsizlik zonasının yaradılması üzrə işləri tamamlamaq üçün addımlar atacaq.

Prezident Rəcəb Tayyib Ərdoğan Nazirlər Kabinetinin iclasından sonra telemüraciətində ölkənin cənub sərhədində təhlükəsizlik zonasının yaradılması ilə bağlı fikirlərini açıqla­yıb.

Türkiyə Prezidenti deyib: “Türkiyə üçün təhlükə yaradan terror təşkilatlarına hər cür dəstək verməklə onları qoruyanlar təkəbbürlü davra­nışlarından əl çəkməlidirlər. Cənub sərhədlərimiz boyunca 30 kilometrlik təhlükəsizlik zonası yaratmaq üçün işimizin çatışmayan hissələri üzərində işləyirik. Ölkəmiz əleyhinə hücümların mərkəzi olan rayonlar bizim üçün priori­tet təşkil edir. Türkiyənin silahlı qüvvələri və kəşfiyyat xidməti hazırlığı başa çat­dıran kimi əməliyyatlar başlayacaq. Milli Təhlükəsizlik Şurasının cümə axşamı keçiriləcək iclasında biz bu məsələ ilə bağlı qərar qəbul edəcəyik”.

Qeyd edək ki, 2017-ci ildən bəri Türkiyə Suriyanın şimalında “Fərat qalxanı”, “Zey­tun budağı”, “Barış pınarı” adı altında üç hərbi əməliyyat keçirmiş və təhlükəsizlik zonası yaratmışdır.

“Xalq qəzeti”