Köhnə versiya

Ən son xəbərlər

Son buraxılış
Arxiv

Rusiya qazına görə ödəniş məsələsi Avropa İttifaqı səviyyəsində həll ediləcək

Yaxın vaxtlarda Bolqarıstan Avropa Komissiyası ilə Rusiyadan aldığı qazın dəyərini rublla ödəmək mövzusunda danışıqlar aparacaq. Bu barədə ölkənin energetika naziri Aleksandr Nikolov bəyan edib. Məlumatı “İzvestiya.ru verib.

Nazir ölkənin BTV teleka­nalına müsahibəsində bildi­rib: “Biz bu məsələni Avropa Komissiyası səviyyəsində qaldıracağıq. Həmrəylik və birlik səviyyəsi maksimum yüksək olmalıdır. Əgər istis­nalar olarsa, bu məsələyə baxacaq və görəcəyik ki, bu, bütün sistemə necə təsir edir”.

Nikolovun sözlərinə görə, Avropa Komissiyası rublla ödənişin sanksiyalara zidd olduğunu bildirib. Bunun­la belə, Roma və Berlin özlərinin şirkətlərinə rublla hesablar açmağa icazə verib: “Sual yaranır ki, korporasi­yaları və dövlət şirkətlərini fərqləndirmək lazımdırmı?”.

Nazir qeyd edib ki, Av­ropa Komissiyası ilə danı­şıqlardan əlavə təlimat və “xüsusilə ümumi tədarüklə bağlı konkret addımlar” gözləyirlər.

Qeyd edək ki, mayın 14-də “Bloomberq” elan etmişdi ki, Avropa İttifaqı öz idxalçılarına Rusiyadan qaz alarkən sanksiyaların tələblərini pozmaqdan yayın­mağa kömək olacaq qərar təklif edəcək. Bu qərarın hətta Moskvanın yanacağın dəyərinin ödənilməsi ilə bağlı şərtinə də aydınlıq gətirəcəyi bildirilmişdi.

Bolqarıstan, eyni zaman­da, mayın 11-də ABŞ-dan sıxılmış təbii qaz almaq haqqında razılıq əldə edib. Ancaq qazın hansı qiymətə başa gələcəyi məlum deyil. Onu da xatırladaq ki, Rusiyanın “Qazprom” şirkəti aprelin 27-də Bol­qarıstana qaz verilməsini tamamilə dayandırıb. Səbəb yanacağın dəyərinin rublla ödənilməməsi olub. Ona qədər, martın 30-da Bolqarıstan hökumətinin nümayəndəsi Lena Borisla­vova demişdi ki, ölkəsi Rusi­ya qazına görə rublla ödəniş etməyəcək. O, bu məsələnin Avropa səviyyəsində əlaqələndirildiyini bildirmişdi.

Paşa ƏMİRCANOV,

“Xalq qəzeti”

25 May 2022 02:10 - XARİCİ XƏBƏRLƏR
XARİCİ XƏBƏRLƏR
3 İyul 2022 | 01:13
Rusiyada yoluxma azalır
3 İyul 2022 | 01:03
Xarici xəbərlər

Köhnə versiyamızdan xəbərləri izlə