Köhnə versiya

Ən son xəbərlər

Son buraxılış
Arxiv

YAP Gənclər Birliyinin nümayəndə heyəti Adana şəhərində keçirilən “Bir Gençlik Şöleni”ndə iştirak edib

Yeni Azərbaycan Partiyasının Gənclər Birliyinin sədri Bəxtiyar İslamovun rəhbərlik etdiyi nümayəndə heyəti Türkiyədə səfərdə olub.

Türkiyənin Adana şəhərində Ədalət və İn­kişaf Partiyasının (AK Parti) Gənclik Qollarının sədri Eyyüp Kadir İnan, Türkiyənin xarici işlər nazi­rinin müavini Yavuz Səlim Kıran, millət vəkilləri, AK Partinin nümayəndələri, o cümlədən 22 xarici ölkənin siyasi partiyalarının gənclər təşkilatları nümayəndələrinin iştirakı ilə keçirilən görüşdə qarşılıqlı maraq doğu­ran məsələlər ətrafında səmərəli fikir mübadiləsi aparılıb. Azərbaycan nümayəndə heyəti göstərilən qonaqpərvərliyə və dəvətə görə AK Parti rəhbərliyinə minnətdarlığını bildirib.

Həmçinin YAP Gənclər Birliyinin nümayəndə heyəti Türkiyə Respublikasının Prezidenti cənab Rəcəb Tayyip Ərdoğanın iştirakı ilə Türkiyədən, o cümlədən dün­yanın müxtəlif ölkələrindən 150 mindən çox gəncin iştirak etdiyi Adana şəhərində keçirilən “Bir Gençlik Şöleni”inə qatılıb.

Qeyd edək ki, Azərbaycan nümayəndə heyətinin tərkibində YAP Gənclər Bir­liyinin sədr müavinləri Fəsli Nəbiyev, Sevinc Qasımova, üzvlər - Ülviyyə Axundova, Emil Aslanlı təmsil olunub.

“Xalq qəzeti”

23 May 2022 23:30 - SİYASƏT
SİYASƏT

Köhnə versiyamızdan xəbərləri izlə