Köhnə versiya

Ən son xəbərlər

Son buraxılış
Arxiv

ATMU-nun əməkdaşları İsveçdə keçirilən seminarda iştirak ediblər

Azərbaycan Turizm və Menecment Universitetinin (ATMU) tədris işləri üzrə prorektoru, professor Zaur Bağırov, beynəlxalq əlaqələr şöbəsinin proqram direktoru Elmira Hacıyeva İsveç Krallığında “Azərbaycanda rektorlar konfransının yaradılması” Erasmus+ layihəsi çərçivəsində keçirilən “Ali təhsil sisteminin inkişafında rektorlar konfransının rolu” adlı seminarda iştirak ediblər.

Mayın 16-dan 20-dək keçirilən tədbirə Azərbaycan Respublikası Təhsil nazirinin müşaviri Nicat Məmmədli və ölkəmizin 15 ali təhsil müəssisəsinin rəhbər şəxsləri qatılıb. Rektorlar konfransının yaradılması və ali təhsilin inkişafı məqsədilə Avropa təcrübəsinin öyrənilməsini hədəfləyən seminara İsveçin nüfuzlu universitetlərindən sayılan Kral Texnologiya Universiteti evsahibliyi edib.

Seminarın gündəliyinə Avropa Universitetlər Birliyinin Baş katibinin müavini Monika Steinelin “Sərhədsiz Universitetlər – 2030 gələcəyə baxış” mövzusunda təqdimatı da daxil edilib.

Bakı Biznes Universitetinin koordinatoru olduğu və Avropa Komissiyası tərəfindən maliyyələşdirilən layihə çərçivəsində təşkil olunan tədbirdə İsveç, Litva, Finlandiya və Polşa rektorlar konfransının səlahiyyətli nümayəndələrinin, Kral Texnologiya Universitetinin, Stokholm Universitetinin və Haaga–Helia Tətbiqi Elmlər Universitetinin rektorları iştirak edirlər.

Z.BƏŞİRQIZI,

“Xalq qəzeti”

21 May 2022 23:25 - TƏHSİL
TƏHSİL

Köhnə versiyamızdan xəbərləri izlə