Köhnə versiya

Ən son xəbərlər

Son buraxılış
Arxiv

Beynəlxalq Muzeylər Günündə 3000-ə yaxın insan Milli Azərbaycan Ədəbiyyatı Muzeyini ziyarət edib

Hər il mayın 18-i dünyada Beynəlxalq Muzeylər Günü kimi qeyd olunur. 1977-ci ildə Beynəlxalq Muzeylər Şurasının (ICOM) 11-ci konfransında təsis edilən həmin gün 1978-ci ildən etibarən dünyanın əksər ölkələrində əlamətdar hadisə kimi qeyd edilir.

Muzeylərin cəmiyyətin həyatında mühüm rol oynadığını göstərmək, xalqlar arasında mədəni mübadilə və əməkdaşlığın inkişafı­na kömək etmək məqsədilə təsis olunmuş əlamətdar gün ICOM-un təşəbbüsü ilə hər il müəyyən deviz altında keçirilir. Bu il Beynəlxalq Muzeylər Günü “Muzeylərin gücü” (Muzeylər ətrafımızdakı dünyanı dəyişmək gücünə malikdir) devizi altında qeyd olunur.

Hər il olduğu kimi, bu il də AMEA Nizami Gəncəvi adına Milli Azərbaycan Ədəbiyyatı Muzeyində 18 may – Beynəlxalq Muzeylər Günü münasibətilə “Açıq qapı” günü təşkil olunub.

Dünən muzeyi çoxsaylı orta məktəb şagirdləri, müxtəlif ali məktəblərdən olan müəllim və tələbə heyəti, ölkədə müvəqqəti məskunlaşan əcnəbilər ziyarət ediblər. Onlara Azərbaycan ədəbiyyatının görkəmli nümayəndələri, muzeydə yer alan ekspo­natlar və mühüm ədəbi faktlar barədə ətraflı məlumat verilib.

Beynəlxalq Muzeylər Günündə Milli Azərbaycan Ədəbiyyatı Muzeyinə gələnlərin sayı 3000 nəfərə yaxın olub.

Qabil YUSİFOĞLU,

“Xalq qəzeti”

19 May 2022 09:27 - MƏDƏNİYYƏT
MƏDƏNİYYƏT

Köhnə versiyamızdan xəbərləri izlə