Şimali Koreyada yoluxma artmaqda davam edir

Şimali Koreyanın Mərkəzi Teleqraf Agentliyinin məlumatına görə, son sutka ərzində ölkədə 232 min 880 nəfər koronavirus infeksiyasının “omicron” ştammının məlum olmayan növünə yoluxub, 205 min nəfər sağalıb, 6 nəfər vəfat edib.

Agentliyin məlumatına görə, aprelin sonla­rından indiyədək Koreya Xalq Demokratik Respublikasında (KXDR) 1 milyon 715 min 950 nəfər COVID-19 virusunun “omicron” ştammının məlum olmayan növünə yoluxub, 1 milyon nəfər sağalıb, 691 min nəfərdən çox adamın müalicəsi davam etdirilir, 62 nəfər vəfat edib.

Qəzənfər QASIMOV, “Xalq qəzeti”