ABŞ hipersəs silahını uğurla sınaqdan keçirib

ABŞ Hərbi Hava Qüvvələri ARRW (Air-Launched Rapid Response Weapon) proqramı çərçivəsində hipersəs silahının prototipinin uğurla sınaqdan keçiril­diyini bəyan edib.

Bazar ertəsi yayılan bəyanatda deyilir ki, ABŞ Hərbi Hava Qüvvələrinin Boeing B-52H Stratofortress strateji bombardmançı təyyarəsi mayın 14-də Kaliforniyanın cənub sahillərində ARRW proqramı çərçivəsində hazırlanmış AGM-183A hipersəs raketinin uğurlu buraxılışını həyata keçirib.

Təyyarədən ayrıldıqdan sonra ARRW raket-daşıyıcı işə düşərək nəzərdə tutulan müddət ərzində səs sürətindən beş dəfə yüksək sürət yığmışdır.

ABŞ Hərbi Hava Qüvvələrinin silahlan­ma proqramının rəhbəri general Hit Kollinz bildirib ki, sınaq qüsursuz həyata keçirilib və bu unikal silah ARRW komandasının böyük nailiyyətidir.

Mayın 11-də Raketdən Müdafiə Agent­liyinin direktoru Con Xill qeyd etmişdi ki, ABŞ Müdafiə Nazirliyi hipersəs və ballistik raketləri izləmək üçün hipersəs peyklərin prototiplərini 2023-cü ildə orbitə çıxarmaq niyyətindədir.

“Xalq qəzeti”