Əmək və Əhalinin Sosial Müdafiəsi Nazirliyi ilə Gəncə Şəhər Əhalinin Sosial Müdafiə Mərkəzi arasında canlı əlaqə yaradılmışdır

Fevralın 4-də Əmək və Əhalinin Sosial Müdafiəsi Nazirliyinin (ƏƏSMN) videokonfrans zalından Gəncə Şəhər Əhalinin Sosial Müdafiə Mərkəzi ilə birbaşa canlı əlaqə yaradılmışdır.
Nazir Füzuli Ələkbərov videobağlantı vasitəsilə mərkəzə (ƏSMM) müraciət edən vətəndaşlarla ünsiyyət quraraq, onlara göstərilən xidmətin keyfiyyəti ilə maraqlanmışdır. Doqquz şikayətçinin problemini dinləyən nazir müvafiq struktur rəhbərlərinə ciddi tapşırıq verərək bundan sonra da əhali tərəfindən daxil olan müraciətlərə məsuliyyətlə yanaşmağı tapşırmışdır.
F.Ələkbərov bildirmişdir ki, ötən il nazirliyə 6 min 700-ə yaxın müraciət daxil olmuşdur. Onun əksəriyyəti sorğu xarakterlidir. Bu bizi narahat edir. Nəyə görə indiyədək lazımi qurumlar əhali ilə sıx əməkdaşlıq etməmişlər ki, onlarda müəyyən sorğular yaranmışdır. Müraciət edənlərin bir qismi, təəssüf ki, kobudluqla qarşılaşır. 200 vətəndaşımız rüşvətlə qarşılaşma iddiası ilə müraciət etmişdir. Ona görə də bütün bu məsələlər diqqət mərkəzində olacaqdır. Bəzən ünvanlı sosial yardımla bağlı aparılan araşdırmalar zamanı müraciətlərin müəyyən hissəsinin bir şəxsə məxsus olduğu müəyyən olunur. Nazir belə halların qarşısının alınacağını da vurğulamışdır.
Diqqətə çatdırılmışdır ki, bu kimi tədbirlərin gələcəkdə digər rayon (şəhər) mərkəzləri ilə də davam etdiriləcəyi nəzərdə tutulmuşdur. Cari ildə daha 33 regional mərkəzdə videokonfrans sisteminin quraşdırılması planlaşdırılır.

{nl}


AzərTAc


© İstifadə edilərkən "Xalq qəzeti"nə istinad olunmalıdır.



  • Vətənin dilbər guşəsi – İsmayıllı...

    Vətənin dilbər guşəsi – İsmayıllı...

  • İnkişafın və yüksəlişin Füzuli təcrübəsi

    İnkişafın və yüksəlişin Füzuli təcrübəsi

  • Elə ki çatdın Qazaxa...

    Elə ki çatdın Qazaxa...

  • Tərtər: uğurlu addımlar daha böyük hədəflərdən xəbər verir

    Tərtər: uğurlu addımlar daha böyük hədəflərdən xəbər verir

  • Azərbaycan Respublikası Silahlı Qüvvələrinin yaradılmasının 96-cı ildönümü

    Azərbaycan Respublikası Silahlı Qüvvələrinin yaradılmasının 96-cı ildönümü

Çox oxunanlar



Təqvim

Hava haqqında