Azərbaycan Yazıçılar Birliyinin nümayəndələri laçınlı məcburi köçkünlərlə görüşmüşlər

Azərbaycan Yazıçılar Birliyinin (AYB) sədri, xalq yazıçısı Anar, qurumun Qarabağ bölməsinin sədri, şair Ənvər Əhməd və şair Fikrət Qoca Ağcabədi rayonunun Taxtakörpü ərazisində məskunlaşmış laçınlı məcburi köçkünlərlə görüşmüşlər.
Qonaqlar əvvəlcə qəsəbədə ümummilli lider Heydər Əliyevin büstü və şəhidlərin xatirə kompleksini ziyarət etmiş, önünə çiçək dəstələri qoymuşlar. Sonra 37 saylı Laçın orta məktəbinin kollektivi ilə görüş olmuşdur.
Laçın rayon ictimaiyyəti ilə mədəniyyət evində keçirilən görüşdə rayon icra hakimiyyətinin başçısı Ramiz Cəbrayılov qonaqları salamlamış, məcburi köçkünlərlə görüşə gəldikləri üçün minnətdarlığını bildirmişdir.
Tədbirdə məktəblilər qonaqların əsərlərindən parçalar və şeirlərinə yazılmış mahnılar ifa etmişlər.
Anar, Fikrət Qoca və Ənvər Əhməd laçınlılarla görüşdüklərindən məmnun olduqlarını bildirmiş, bu görüşün əhəmiyyətini yüksək qiymətləndirmişlər.
Qarabağ dərdini əks etdirən əsərləri haqqında danışan ziyalılar işğal altında olan torpaqlarımızın Prezident İlham Əliyevin qəti və prinsipial mövqeyi sayəsində tezliklə azad ediləcəyinə, növbəti görüşləri Laçın rayonunda keçirəcəklərinə əminliklərini bildirmişlər.{nl}

 

{nl}


© İstifadə edilərkən "Xalq qəzeti"nə istinad olunmalıdır.



  • 20-ci Azərbaycan Beynəlxalq Səhiyyə Sərgisi

    20-ci Azərbaycan Beynəlxalq Səhiyyə Sərgisi

  • Dədə Qorqud parkında 3D qraffiti layihəsinin açılışı

    Dədə Qorqud parkında 3D qraffiti layihəsinin açılışı

  • “Əsrin müqaviləsi” – 20

    “Əsrin müqaviləsi” – 20

  • Azərbaycan idmançıları Qırğız Respublikasında “Köçərilərin I Ümumdünya Oyunları”nda iştirak edirlər

    Azərbaycan idmançıları Qırğız Respublikasında “Köçərilərin I Ümumdünya Oyunları”nda iştirak edirlər

  • Azərbaycanın birinci xanımı Mehriban Əliyeva doğum gününü uşaqlarla birlikdə qeyd edib

    Azərbaycanın birinci xanımı Mehriban Əliyeva doğum gününü uşaqlarla birlikdə qeyd edib

Çox oxunanlar



Təqvim

Hava haqqında