Avropa İttifaqı ilə Dövlət Statistika Komitəsi arasında qarşılıqlı əməkdaşlığın perspektivləri müzakirə edilib

Avropa İttifaqı (Aİ) ilə Azərbaycan Respublikası Dövlət Statistika Komitəsi arasında qarşılıqlı əməkdaşlığın perspektivləri müzakirə olunub.

Komitənin mətbuat xidmətindən AZƏRTAC-a bildirilib ki, müzakirələr oktyabrın 12-də Dövlət Statistika Komitəsinin sədri Tahir Budaqovun Avropa İttifaqının ölkəmizdəki nümayəndəliyinin yeni təyin olunmuş rəhbəri Kestutis Yankauskasla görüşündə aparılıb.

Tahir Budaqov Kestutis Yankauskası Avropa İttifaqının Azərbaycandakı nümayəndəliyinin rəhbəri təyin olunması münasibətilə təbrik edib, ona fəaliyyətində uğurlar arzulayıb. Bildirib ki, Prezident İlham Əliyev tərəfindən uğurla həyata keçirilən islahatlar nəticəsində Azərbaycan iqtisadiyyatı dünyanın ən sürətli və dinamik inkişafı ilə səciyyələnir, ölkəmizdəki bugünkü sistemli inkişaf özünü artan statistik göstəricilərdə qabarıq göstərir.

Bütün sahələrdə inkişafın dayanıqlığını təmin etmək məqsədilə ciddi addımlar atıldığını deyən Tahir Budaqov qeyri-neft sektorunun və ixracyönümlü iqtisadiyyatın genişləndirilməsinin ölkə iqtisadiyyatının prioritet hədəfləri olduğunu vurğulayıb. Azərbaycanla Avropa İttifaqı arasında mövcud əlaqələrdən danışan komitə sədri qeyd edib ki, Avropa İttifaqı ölkəmizin xarici ticarət, energetika və bir çox digər sahələr üzrə əsas tərəfdaşlarındandır.

Azərbaycanın statistika sisteminin daha da təkmilləşdirilməsi və Avropa standartlarına uyğunlaşdırılması sahəsində həyata keçirilən layihələr və proqramlar barədə ətraflı məlumat verilib. Belə ki, Dövlət Statistika Komitəsi Avropa Qonşuluq və Tərəfdaşlıq Aləti, həmçinin Fəaliyyət Planının prioritetlərinə nail olmaqda vacib rol oynayan Tvinninq və Texniki Yardım və İnformasiya Mübadiləsi (TAİEX) kimi əməkdaşlıq alətlərindən səmərəli istifadə edir. Hazırda sayca ikinci olan “Milli statistika sisteminin Avropa standartlarına uyğunlaşdırılmasında Azərbaycan Respublikasının Dövlət Statistika Komitəsinə dəstək” Tvinninq layihəsi yekunlaşmaqdadır. Avropa İttifaqının müvafiq institutlarının (Avropa İttifaqının Statistika Bürosu, Avropa Azad Ticarət Assosiasiyası) iştirakı ilə ölkəmizdə milli statistika sisteminin qlobal qiymətləndirilməsinin həyata keçirildiyi diqqətə çatdırılıb.  

Avropa İttifaqının ölkəmizdəki nümayəndəliyinin yeni təyin olunmuş rəhbəri Kestutis Yankauskas Azərbaycanla əlaqələrin genişlənməsi üçün qarşılıqlı marağın olduğunu qeyd edərək, bundan sonra da Dövlət Statistika Komitəsi ilə əməkdaşlığın inkişaf etdirilməsi istiqamətində səylərini əsirgəməyəcəyini vurğulayıb. Avropa İttifaqının Azərbaycanı regionda sabit və etibarlı tərəfdaş kimi, tolerant, multikultural və dünyəvi cəmiyyət quran ölkə kimi yüksək dəyərləndirdiyini xüsusi qeyd edib.

Görüşdə Avropa İttifaqı ilə Dövlət Statistika Komitəsi arasında qarşılıqlı əməkdaşlığın perspektivləri və bir sıra məsələlərə dair fikir mübadiləsi aparılıb.


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında