Ən son xəbərlər

Son buraxılış
Arxiv

Fövqəladə hallar naziri Gəncədə partlayışın baş verdiyi əraziyə gəlib

Fövqəladə hallar naziri Gəncədə partlayışın baş verdiyi əraziyə gəlib

Noyabrın 20-də səhər saatlarında Gəncə şəhərinin Kəpəz rayonundakı yaşayış binasında baş vermiş uçqunla əlaqədar fövqəladə hallar naziri, general-polkovnik Kəmaləddin Heydərov və nazirliyin digər rəhbər şəxsləri hadisə yerinə gəliblər.
Fövqəladə Hallar Nazirliyindən (FHN) AZƏRTAC-a bildiriblər ki, Kəmaləddin Heydərov qəza-xilasetmə işlərinin gedişi ilə yaxından tanış olub, xilasetmə tədbirlərinin daha operativ həyata keçirilməsi üçün müvafiq tapşırıqlar verib.
Nazir jurnalistlərə açıqlamasında bildirib ki, vəziyyət Azərbaycan Respublikasının Prezidenti İlham Əliyevin tam nəzarətindədir. Yəqin ki, binanın sakinləri haqqında müəyyən qərar qəbul ediləcək. Təmizləmə işləri başa çatandan sonra binadakı 36 ailənin hamısı təxliyə ediləcək və müvafiq yerlərdə yerləşdiriləcəklər. Bu ailələr bina sökülüb tikilənə və ya bərpa olunana qədər tam dövlətin qayğısı altında yaşayacaqlar. 
Kəmaləddin Heydərov qeyd edib ki, hadisə zamanı dağıntılar altında qalan 3 nəfər həlak olub, 1-i isə ağır xəsarət alıb. Xəsarət alan şəxsin müalicəsi davam etdirilir. Hüquq-mühafizə orqanlarının əməkdaşları araşdırmanı tam yekunlaşdırmaq üzrədirlər. Binanın vəziyyəti və partlayışın səbəbləri barədə rəylər hazırlanır. Bu barədə mətbuata da xəbər veriləcək.

20 Noyabr 2018 22:41 - XƏBƏRLƏR
XƏBƏRLƏR

Ən son xəbərləri səhifəmizdən də izləyin