Köhnə versiya

Ən son xəbərlər

Son buraxılış
Arxiv

ADAU-nun nümayəndələri Sumi Milli Aqrar Universitetində

ADAU-nun nümayəndələri Sumi Milli Aqrar Universitetində

Azərbaycan Dövlət Aqrar Universitetinin (ADAU) beynəlxalq əlaqələrində digər ölkələrin ali təhsil müəssisələri ilə yanaşı, Ukraynanın aparıcı universitetləri ilə də əməkdaşlığa önəm verilir. Belə təhsil müəssisələrindən biri Sumi Milli Aqrar Universitetidir (SMAU).

2018-ci ilin iyun ayında Almaniyanın Vaynştefan Triezdorf Universitetində ADAU-nun rektoru, AMEA-nın müxbir üzvü, professor İbrahim Cəfərov və SMAU-nun rektoru, akademik Vladimir Ladıko arasında imzalanmış əməkdaşlıq müqaviləsinin icrası məqsədilə qeyd olunan universitetə işgüzar səfər təşkil olunub.

Səfər çərçivəsində ADAU-nun tədris işləri üzrə prorektoru, dosent Anar Hətəmov, elm şöbəsinin müdiri Maqsud Vəliyev, beynəlxalq əlaqələr şöbəsinin əməkdaşı Sevil Həsənova SMAU-da tədris prosesinin təşkili, hər iki ali təhsil müəssisəsində magistratura səviyyəsində kadr hazırığı MBA (alman) proqramı üzrə tədris planlarının uyğunluğu və onun beynəlxalq akkreditasiyası, müəllim və tələbələrin mübadiləsi, beynəlxalq əlaqələr, istehsalat təcrübəsinin təşkili, məktəb-kollec-universitet sxemi üzrə təhsil prosesi, universitetin maddi-texniki bazası, tələbələrin asudə vaxtının səmərəli təşkili ilə yaxından tanış olublar.

Nümayəndə heyəti ADAU haqqında təqdimatlar edib, universitetlərarası əməkdaşlığın daha da genişləndirilməsi, tələbə mübadiləsi, ikili diplom layihələrinin icrası və s. mövzularda müzakirələr aparıb.

 

Əlipənah BAYRAMOV,
“Xalq qəzeti”

19 Noyabr 2018 18:32 - TƏHSİL
TƏHSİL

Ən son xəbərləri səhifəmizdən də izləyin