Köhnə versiya

Ən son xəbərlər

Son buraxılış
Arxiv

ABŞ-da yaşı 65-dən yuxarı insanlar üçün peyvəndin ikinci dozası istifadəyə verilib

ABŞ hökuməti yaşı 65-dən yuxarı və sağlamlıq problemləri olan amerikalıları peyvənd etmək üçün ikinci doza kimi saxladığı milyonlarla COVID-19 peyvəndinin dozasını istifadəyə buraxıb. Bu barədə “Amerikanın səsi” məlumat yayıb.

Səhiyyə və Sosial Xidmətlər naziri Aleks Azar populyar “ABC” telekanalına verdiyi müsahibədə bildirib ki, “ştat administrasiyalarının diqqəti məhdud istiqamətə yönəlib. Lakin hökumət inanır ki, istehsalı proqnoz­laşdırmaq mümkündür və davam edən istehsal ilə insanlar üçün ikinci dozaların verilməsi tamamilə təmin edilə bilər. Beləliklə, artıq hər şey həm ştatlar, həm də səhiyyə provayderləri üçün əlçatandır”.

Qeyd edək ki, federal hökumət ştatları iki doza­lı peyvəndlə təmin etdiyi halda, hər ştat onları öz planına uyğun olaraq payla­yır. Əksər ştatlarda səhiyyə işçiləri və qocalar evlərinin sakinlərinə üstünlük verilib. Hökumət isə peyvənd isteh­salının kifayət qədə sürətlə aparıldığını və narahatçılığa heç bir əsas olmadığını bəyan edir.

“Artıq səhiyyə işçilərimiz və qocalar evlərindəki insanların sayından daha çox peyvənd paylamışıq”, -deyə A.Azar bildirib. Onun sözlərinə görə, indi əsas vəzifə peyvəndlərin paylanıl­ması üçün daha artıq imkan­ların tapılması, peyvəndlərin apteklərə, icmalardakı səhiyyə mərkəzlərinə vaxtın­da çatdırılmasıdır.

Nazir, həmçinin federal hökumətin “əgər istəsələr, kütləvi peyvəndləmə aparan ştatları dəstəkləmək üçün qruplar göndərəcəyini” vur­ğulayıb.

ABŞ-ın Xəstəliklərə Nəzarət və Profilaktika Mərkəzlərindən verilən məlumatlara görə, artıq 10 milyona amerikalıya COVID- 19-a qarşı peyvəndin ilk dozası vurulub.

Məsaim ABDULLAYEV, “Xalq qəzeti”

14 Yanvar 2021 00:05 - XARİCİ XƏBƏRLƏR
XARİCİ XƏBƏRLƏR

Köhnə versiyamızdan xəbərləri izlə