• USD: 1.7000
  • EUR: 1.9267
  • RUB: 0.0258
  • TRY: 0.3163
  • Bakı + 12.2 ° C / 79%

Ən son xəbərlər

Son buraxılış
Arxiv

Mərkəzi Nəbatat Bağının direktoru beynəlxalq konfransda məruzə ilə çıxış edib

Mərkəzi Nəbatat Bağının direktoru beynəlxalq konfransda məruzə ilə çıxış edib

science.gov.az-dan verilən xəbərə görə, Rusiyanın Sankt-Peterburq Dövlət Universitetində "Biocoğrafiyanın aktual məsələləri" mövzusunda beynəlxalq konfrans keçirilib.

Sankt-Peterburq Dövlət Universitetinin Botaniki Coğrafiya Kafedrasının yaradılmasının 100 illiyinə həsr olunan konfransda müasir tədqiqatlar və gələcək elmi istiqamətlərin müzakirəsi aparılıb. Proqram çərçivəsində bitki örtüyünün müasir tədqiqi, xüsusilə məsafədən zondlama üsullarının tətbiqi məsələlərinə xüsusi yer ayrılıb.

90-a yaxın alimin iştirak etdiyi tədbirdə ölkəmizi AMEA-nın Mərkəzi Nəbatat Bağının direktoru, biologiya üzrə fəlsəfə doktoru Vahid Fərzəliyev təmsil edib. Alim konfransda “İntroduksiya şəraitində oduncaqlı bitkilərin toxumlarının coğrafi keyfiyyət dəyişkənliyi” mövzusunda məruzə ilə çıxış edib. O, məruzəsində aparılan müqayisəli rentgenoqrafik tədqiqatlar nəticəsində öyrənilən oduncaqlı bitkilərin təbii arealında və introduksiya şəraitində toxumların coğrafi keyfiyyət dəyişkənlikləri haqqında məlumatları təqdim edib.

Məruzə tədbir iştirakçıları tərəfindən maraqla qarşılanıb və suallar cavablandırılıb.

Səfər çərçivəsində V.Fərzəliyev Sankt-Peterburq Botanika Bağını ziyarət edib, burada yeni yaradılmış canlı bitki kolleksiyaları ilə yaxından tanış olub.

 

İsaq Əmənullayev,
“Xalq qəzeti”

22 Oktyabr 2018 14:58 - XƏBƏRLƏR
XƏBƏRLƏR
17 Noyabr 2018 | 22:53
Naxçıvanda payız iməciliyi

Ən son xəbərləri səhifəmizdən də izləyin