Köhnə versiya

Ən son xəbərlər

Son buraxılış
Arxiv

Türkiyə Azərbaycana və Liviyaya dəstəyini davam etdirir

Türkiyə Silahlı Qüvvələri son bir ay ərzində 34 antiterror əməliyyatı aparıb, bunlardan səkkizi irimiqyaslıdır. Bu əməliyyatlar nəticəsində, ümumilikdə, 80 terrorçu zərərsizləşdirilib. Bu barədə Türkiyə Milli Müdafiə Nazirliyinin rəsmisi Pınar Qaranın bəyanatında bildirilir. Məlumatı “Anadolu” verib.

Qaranın sözlərinə görə, Türkiyə hərbçiləri günün 24 saatı ərzində terrorizmin bütün təzahürlərinə qarşı qəti mübarizə aparmaqda davam edir: “Bu bir ay ərzində Türkiyə sərhədini qanunsuz yolla keçməyə çalışan 6863 nəfər saxlanılıb. Onların ara­sında 35-i FETO-çu olmaqla terror təşkilatlarının 52 üzvü olub”.

Türkiyə Silahlı Qüvvələrinin rəsmisi xa­tırladıb ki, noyabrın 11-də Türkiyə və Rusiyanın müdafiə nazirləri Hülusi Akar və Sergey Şoyqu arasında imzalanmış Dağlıq Qara­bağda atəşkəsə nəzarət üzrə mərkəzin yaradılması haqqında memoranduma uy­ğun olaraq, tərəflər arasında dialoq davam edir.

P.Qara bildirib ki, Azərbaycan sentyabrın 27- dən noyabrın 10-dək apar­dığı əks-hücum əməliyyatı nəticəsində Dağlıq Qarabağ ətrafındakı 7 rayondan dördünü – Cəbrayıl, Füzuli, Zəngilan və Qubadlını azad edib. Sonra isə 10 noyabr üçtərəfli razılaşmasına əsasən, noyabrın 20-də Ağdam rayonu Azərbaycana qaytarılıb. Azərbaycan Si­lahlı Qüvvələri hazırda no­yabrın 25-də işğaldan azad olunmuş Kəlbəcər rayonun­da minalardan təmizləmə işləri aparır. Bu gün isə Laçın rayonu Azərbaycana qaytarılır. Türkiyə azərbaycanlı qardaşla­rını haqlı mübarizəsində dəstəkləməkdə davam edir.

P.Qara qeyd edib ki, Türkiyə həm də beynəlxalq ictimaiyyət tərəfindən ta­nınmış Liviya Milli Razılıq Hökumətini dəstəkləyir. Bu ölkə ilə ikitərəfli razılaşmaya əsasən, Türkiyə hərbçiləri Liviyada yerləşdirilib. Onun sözlərinə görə, ölkəsi liviyalı hərbçilərə təlim keçir: “Liviya hərbçilərinin hazırlanması beş təlim mərkəzində ən yüksək standartlara uyğun həyata keçirilir. İndiyədək 2 301 hərbçi hazırlanıb, 264-nün təlimi davam etdirilir”.

Paşa ƏMİRCANOV, “Xalq qəzeti”

1 Dekabr 2020 00:15 - XARİCİ XƏBƏRLƏR
XARİCİ XƏBƏRLƏR
22 Yanvar 2021 | 03:01
2 milyard dollar investisiya
22 Yanvar 2021 | 02:57
Xərclər artacaq
22 Yanvar 2021 | 02:56
Filiallar bağlanır
22 Yanvar 2021 | 02:56
“F-35” sövdələşməsi

Köhnə versiyamızdan xəbərləri izlə