Köhnə versiya

Ən son xəbərlər

Son buraxılış
Arxiv

Qubadlıda Şərq çinarları əkildi, tut bağı salındı

Növbəti ağacəkmə aksiyası işğaldan azad olunmuş Qubadlı rayonunun Qaralar kəndi ərazisində, erməni işğalçıları tərəfindən məhv edilmiş yaşı 300 ildən artıq olan Şərq çinarı təbiət abidəsinin yerləşdiyi ərazinin yaxınlı­ğında keçirilib.

Ekologiya və Təbii Sərvətlər Nazirliyinin, Qubadlı Rayon İcra Hakimiyyətinin əməkdaşlarının iştirakı ilə baş tutan aksiyada karantin rejiminin tələblərinə əməl olunmaqla 50-dən çox Şərq çinarı əkilib, yol kənarındakı kəsilmiş tut ağaclarının yerinə isə 400 tut ağacı əkilməklə tut bağı salınıb.

Bununla da, erməni işğalçıları tərəfindən Qarabağbölgəsində məhv edilmiş yaşıllıqların yenidən bərpasına töhfə verilib.

Ekologiya və Təbii Sərvətlər Nazirliyinin mətbuat xidmətinin məlumatına görə, respublika ərazisində həyata keçirilən payız ağacəkmə kampaniyası çərçivəsində işğaldan azad olun­muş Füzuli, Zəngilan və Ağdam rayonlarının ərazilərində də ağacəkmə aksiyaları keçirilib.

Qəzənfər QASIMOV, “Xalq qəzeti”

27 Noyabr 2020 22:56 - CƏMİYYƏT
CƏMİYYƏT

Köhnə versiyamızdan xəbərləri izlə