“Kamp Nou”ya Messinin adı verilə bilər

İspaniyanın “Barselona” futbol klubu­nun prezidenti vəzifəsinə namizədlərdən biri Emili Rus­so, prezident seçiləcəyi təqdirdə “Kamp Nou” stadionunun adını argentinalı hücumçu Lionel Mes­sinin şərəfinə dəyişdirməyi planlaşdırır. Bununla əlaqədar referendum keçiriləcək və stadiona “Kamp Nou Leo Messi” adı veriləcək.

Xatırladaq ki, avqust ayında L.Messi klub rəhbərliyi ilə münaqişədən sonra “Barselona”nı tərk etmək istəyirdi. Daha sonra “Barselona” ilə hüquqi mübahisəyə girməmək üçün və ailəsinin Kataloniyada yaşamaq istəməsi ilə əlaqədar klubda qalmaq barədə qərar qəbul etdiyini bildir­mişdi.

Xəbəri TASS verib.

Hazırladı: Elçin ABBASOV, “Xalq qəzeti”