Köhnə versiya

Ən son xəbərlər

Son buraxılış
Arxiv

Yaponiya və Çin XİN başçıları arasında görüş

NHK “World” telekanalının yaydığı məlumata görə, Yaponiyanın xarici işlər naziri Toşimitsu Moteqi çinli həmkarı Van İ ilə Tokioda görüş keçirib. Bildirilir ki, görüş zamanı iki ölkə arasında qar­şılıqlı əməkdaşlıq məsələləri müzakirə olunub, regional və beynəlxalq məsələlər ətrafında fikir mübadiləsi aparılıb.

“Kiodo” agentliyi isə yazır ki, müzakirələr Çinin xarici işlər naziri Van İnin korona­virus pandemiyası dövründə Yaponiyaya ilk rəsmi səfəri çərçivəsində baş tutub. Bildi­rilir ki, tərəflər arasında əldə edilən razılaşmaya əsasən, bu ayın sonundan başlaya­raq, qarşılıqlı ezamiyyələr zamanı 14 günlük karantin müddəti aradan qaldırılacaq. Koronavirusla əlaqədar tətbiq edilən qadağaların belə yum­şaldılması dünyanın ikinci və üçüncü iqtisadiyyatına malik olan ölkələrin iqtisadiyyatı­nın bərpasına mühüm təsir göstərəcək.

Görüş zamanı tərəflər arasında Senkaku adaları ilə bağlı son illər müşahidə edilən gərginliklə bağlı müzakirələrin aparıldığı da qeyd edilib.

Qeyd edilir ki, qarşılıqlı əməkdaşlığın möhkəmləndirilməsi üçün T.Moteqi ilə Van İ gələn il nazirlər səviyyəsində iqti­sadi dialoqun təşkili barədə razılığa gəliblər. Həmin dialoq zamanı ətraf mühitin mühafizəsi, səhiyyə, elekt­ron ticarət, enerji təchizatı və innovasiyalarla bağlı məsələlərin müzakirəsi nəzərdə tutulur.

Nazirlərin, həmçinin Yaponiya və Çinin iqlim dəyişmələrinə qarşı mübarizə üzrə danışıqlara yardım etmək üçün birgə qrupun yaradılması və 2011-ci il zəlzələsindən sonra Fu­kuşimada baş verən atom qəzasına görə Yaponiyadan Çinə ixrac edilən ərzaq məhsullarına tətbiq edilən məhdudiyyətlərin yumşaldıl­ması barədə razılığa gəldiyi də bildirilir.

Mahmud QƏRİBOV, “Xalq qəzeti”

26 Noyabr 2020 00:43 - XARİCİ XƏBƏRLƏR
XARİCİ XƏBƏRLƏR
27 Yanvar 2021 | 03:03
Cüzeppe Konte istefa verib
27 Yanvar 2021 | 02:38
İrihəcmli sərmayə
27 Yanvar 2021 | 02:34
Peyk buraxılışında rekord
27 Yanvar 2021 | 02:24
Xarici sərmayə artıb

Köhnə versiyamızdan xəbərləri izlə