• USD: 1.7000
  • EUR: 1.9267
  • RUB: 0.0258
  • TRY: 0.3163
  • Bakı + 12.2 ° C / 79%

Ən son xəbərlər

Son buraxılış
Arxiv

Müstəqilliyimiz əbədidir

Müstəqilliyimiz əbədidir

İsmayıllıdakı Heydər Əliyev parkında rayon icra hakimiyyətinin təşkilatçılığı ilə 18 Oktyabr – Dövlət Müstəqilliyinin bərpası Günü münasibətilə bayram tədbiri keçirilib.
Yenidən təmir olunaraq, qurulan Heydər Əliyev adına parkda keçirilən tədbirdə RİH-nin başçısı Mirdaməd Sadıqov, başçının ictimai-siyasi və humanitar məsələlər üzrə müavini Sevil Əhmədova, RİH aparatının işçiləri, hüquq-mühafizə, idarə və müəssisə rəhbərləri, ümumtəhsil məktəblərinin pedaqoji və şagird kollektivləri, ictimaiyyət nümayəndələri iştirak edib. 
Tədbiri giriş sözü ilə İsmayıllı şəhər bələdiyyəsinin sədri Pərviz Ağayev açaraq qeyd edib ki, 1991-ci il oktyabrın 18-də Azərbaycanın Dövlət Müstəqilliyi haqqında Konstitusiya Aktının qəbul olunması xalqımızın tarixində şanlı səhifədir. Dövlət müstəqilliyinin bərpasından ötən 27 il ərzində xalqımız böyük və misilsiz inkişaf yolu keçib. Bu gün Azərbaycanda həyatın bütün sahələrində gerçəkləşdirilən möhtəşəm islahatların bəhrələrini gördükcə tam əsasla demək olar ki, Azərbaycanın müstəqilliyi dönməz və əbədidir.
Rayon təhsil şöbəsinin müdiri Rasim Orucov, mərkəzi kitabxanalar sisteminin direktoru Könül Baxışova, ictimaiyyət nümayəndəsi, əmək veteranı Rizvan Orucov çıxış edərək ölkəmizin tərəqqisi və inkişafının ölkə Prezidenti cənab İlham Əliyev tərəfindən uğurla həyata keçirildiyini diqqətə çatdırıblar. Heydər Əliyev adına parkın bərpa və yenidənqurmadan sonra yüksək səviyyədə sakinlərin ixtiyarına verildiyini bildiriblər.
Rayon icra hakimiyyətinin başçısı Mirdaməd Sadıqov çıxış edərək bayram münasibətilə tədbirə toplaşanları təbrik edib, ölkə rəhbərinin rayona səfəri və rayonun inkişaf perspektivləri haqqında məlumat verib. 
Tədbir rayon mədəniyyət mərkəzinin konsert proqramı və məktəblillərin çıxışları ilə başa çatıb.

İlqar HƏSƏNOV, 
“Xalq qəzeti”nin bölgə müxbiri

20 Oktyabr 2018 01:54 - XƏBƏRLƏR
XƏBƏRLƏR
17 Noyabr 2018 | 22:53
Naxçıvanda payız iməciliyi

Ən son xəbərləri səhifəmizdən də izləyin