Köhnə versiya

Ən son xəbərlər

Son buraxılış
Arxiv

İşğaldan azad olunan ərazilərimizdə muzeylərimiz bərpa olunacaq

Təəssüf ki, ermənilər tərəfindən işğal olunmuş ərazilərimizdə muzeylərimizin mülkiyyətində olan əlyazmalar və digər vacib sənədlər yox edilib və yaxud onlar oğurlanaraq qara bazarlarda satışa çıxarılıb.

Bu fikirləri oktyabrın 28-də ADA Universitetində səfirlər üçün keçirilən brifinqdə Azərbaycan Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov bildirib.

Həmin sənədlərlə bağlı monitorinqin aparıldığını söyləyən A.Kərimov deyib: “Bu sənədlərin necə geri gətirəcəyimizlə bağlı ictimaiyyət qarşısında məsələ qaldıracağıq. Bura dəyərli eksponatlar, xalçalarımız daxildir. Biz bəzi hərraclarda dəyərli xalçalarımızı tapmışıq. Həmin xalçaları və dəyərli eksponatları ölkəmizə qaytarmağa davam edəcəyik. İşğaldan azad olunan ərazilərdə muzeylərimizi də bərpa etməyə çalışacağıq”.

M.MÜKƏRRƏMOĞLU,
“Xalq qəzeti”

29 Oktyabr 2020 09:44 - MƏDƏNİYYƏT
MƏDƏNİYYƏT

Köhnə versiyamızdan xəbərləri izlə