Köhnə versiya

Ən son xəbərlər

Son buraxılış
Arxiv

Milli Kitabxanada “Qarabağ xalçaları” adlı sərgi virtual rejimdə istifadəçilərə təqdim olundu

Qarabağ Azərbaycanın qədim tarixi bölgələrindən biridir. Azərbaycanın ayrılmaz tərkib hissəsi olan Qarabağın ən mühüm özəlliklərindən biri özünəməxsus xalçaçılıq məktəbinin formalaşmasıdır. Qarabağ xalçalarının motivləri öz bədii dəyərinə və təsvirinin orijinallığına görə bənzərsizdir. Qarabağ xalçaları və xalça kompozisiyası əsasında toxunan tikmələr bu gün dünyanın bir çox ölkələrində yaşayan kolleksionerlərin və muzeylərin sənət əsərləri içərisində ən dəyərli, nadir incilər kimi saxlanılır və nümayiş edilir.

M.F.Axundzadə adına Azərbaycan Milli Kitabxanasının əməkdaşları tərəfindən “Qarabağ xalçaları” adlı virtual sərgi hazırlanıb. Virtual sərgidə Qarabağın ən qədim xalçaları, onların təsnifatı, əyani-vizual görüntüləri və qısa tarixi öz əksini tapıb. Virtual sərgi Azərbaycan və ingilis dillərində təqdim olunur.

Virtual sərgi ilə tanış olmaq istəyənlər http://anl.az/el/vsb/Qarabag_xalcalari/index.htm linkindən istifadə edə bilərlər.

M.MÜKƏRRƏMOĞLU,
“Xalq qəzeti”

22 Oktyabr 2020 15:04 - XƏBƏRLƏR
XƏBƏRLƏR
2 Dekabr 2020 | 04:24
Hava proqnozu

Köhnə versiyamızdan xəbərləri izlə