• USD: 1.7000
  • EUR: 1.9459
  • RUB: 0.0259
  • TRY: 0.3191
  • Bakı + 13.7 ° C / 71%

Ən son xəbərlər

Son buraxılış
Arxiv

Azərbaycan Yazıçılar Birliyində yeni qurum yaradılıb

Azərbaycan Yazıçılar Birliyində yeni qurum yaradılıb

Azərbaycan Yazıçılar Birliyinin (AYB) "Səhnə" yaradıcılıq qurumu fəaliyyətə başlayıb. Bunu AYB-nin katibi Rəşad Məcid bildirib.

O deyib ki, Birliyin Gənclər Katibliyi və Dramaturgiya bölməsinin təşəbbüsü ilə yaradılan qurumun əsas məqsədi istedadlı gənc dramaturqların üzə çıxarılmasına qayğı göstərmək və onların formalaşmasını təmin etməkdir.

R.Məcid qeyd edib ki, yeni yaradıcılıq qurumunun üzvləri qarşısında tanınmış söz və sənət adamlarının çıxış, mühazirə və ustad dərslərinin keçirilməsi, habelə müzakirə, diskussiya və debatların təşkili nəzərdə tutulur: "Səhnə" yaradıcılıq qurumunun tədbirlərində dramaturgiyaya marağı olan şəxslər, o cümlədən ssenarist və rejissorlar iştirak edə bilərlər. Qurum gələcəkdə öz "praktik-vizual" tədbirlərinin bir qismini teatrlarda və kinostudiyalarda reallaşdırmaq niyyətindədir".

Dramaturq Firuz Mustafa yaradıcılıq qurumunun rəhbəri təyin edilib. Məsul katib vəzifəsi isə rejissor Nicat Qəribə həvalə olunub.

Qurumun ilk tədbiri oktyabrın 29-nda  AYB-nin Natəvan klubunda keçiriləcək.

 

M.MÜKƏRRƏMOĞLU,
“Xalq qəzeti”

15 Oktyabr 2018 12:46 - MƏDƏNİYYƏT
MƏDƏNİYYƏT
19 Noyabr 2018 | 12:09
Milli Kitabxanada kitab sərgisi

Ən son xəbərləri səhifəmizdən də izləyin