Köhnə versiya

Ən son xəbərlər

Son buraxılış
Arxiv

XİN Dağlıq Qarabağda “Le Monde” qəzetinin iki jurnalistinin yaralanmasına dair məlumatla bağlı açıqlama yayıb

Ermənistan KİV-ləri işğal olunmuş Dağlıq Qarabağ bölgəsində Fransanın “Le Monde” qəzetinin iki jurnalistinin yaralanması ilə bağlı məlumat yayıb.

Azərbaycan Respublikası Xarici İşlər Nazirliyinin Mətbuat xidməti idarəsinin yaydığı açıqlamada bildirilir: Ermənistan xarici jurnalistlərin həyatını təhlükə altına ataraq və beynəlxalq humanitar hüququ kobudcasına pozaraq jurnalistlərin hərbi əməliyyatların getdiyi əraziyə səfərini təşkil edir.

Xatırladırıq, Azərbaycan Respublikası Müdafiə Nazirliyi sentyabrın 27-də rəsmi şəkildə bəyan edib ki, Azərbaycan Ordusu mülki əhalini və obyektləri hədəfə almır, işğalçı Ermənistandan fərqli olaraq hərbi əməliyyatlar zamanı Cenevrə konvensiyaları da daxil olmaqla beynəlxalq humanitar hüququn müddəalarının tələblərinə riayət edir.

Xarici jurnalistlərin məqsədyönlü şəkildə təhlükəli əraziyə aparılması Ermənistan hökumətinin jurnalistlərin təhlükəsizliyinin təmin edilməsi ilə əlaqədar öhdəliklərinə məhəl qoymadığını və xarici jurnalistlərdən özünün qanunsuz təbliğat məqsədləri üçün istifadə etdiyini açıq şəkildə göstərir.

Tərəfimizdən xarici jurnalistlərə müraciət edərək Azərbaycanın işğal olunmuş Dağlıq Qarabağ və ətraf bölgələrinə səfərlə əlaqədar, ilk növbədə, Azərbaycan tərəfinin razılığının alınmasını ciddi tövsiyə edirik”.

1 Oktyabr 2020 17:31 -
29 Oktyabr 2020 | 21:49
Bərdənin qisası alınır

Köhnə versiyamızdan xəbərləri izlə