• RUB: 0.0257
  • TRY: 0.2890
  • EUR: 1.9635
  • USD: 1.7000
  • Bakı + 17 ° C / 77

Ən son xəbərlər

Son buraxılış
Arxiv

Jurnalistlər güclərini Kartinq Çempionatında sınadılar

Jurnalistlər güclərini Kartinq Çempionatında sınadılar

Bakı Şəhər Halqası Əməliyyat Şirkətinin (BŞH) təşkilatçılığı ilə media nümayəndələri arasında Kartinq Çempionatı təşkil olunub.   Yerli media nümayəndələri öz güclərini yarış trekində sınayıblar. Bakı Kartinq Mərkəzində keçirilmiş  çempionatda 40-dan çox yerli televiziya, radio, qəzet və onlayn sayt və agentliklərin jurnalistləri, fotoqrafları iştirak edib.

Çempionat təsnifat və final mərhələsindən ibarət olub. Təsnifat mərhələsində jurnalistlər 4 qrup üzrə bölünüblər. Hər qrupun trek üzrə ən yaxşı vaxt göstəricisi olan jurnalistlər isə final mərhələsinə vəsiqə qazanıblar.

Sonda finala vəsiqə qazanmış 10 nəfər iştirakçıdan ilk olaraq finiş xəttini keçən “İdman Azərbaycan” televiziya kanalının aparıcı və şərhçisi Fərid Ramazanov  çempionatın qalibi olmuşdur. Ondan sonra gələn “Azərbaycan Dövlət Teleqraf Agentliyi”nin fotoqrafı Roman İsmayılov və f-1.az saytının redaktoru Elçin Zodorov müvafiq olaraq 2-ci və 3-cü yerləri tutmuşlar. Sonda yarışın qalibləri kubok və qiymətli hədiyyələr ilə təltif olunublar.

Kartinq Çempionatı Bakı Şəhər Halqasının təsis etdiyi “BCC Press Club” çərçivəsində təşkil olunmuşdur. “BCC Press Club” ölkə mediasının müxtəlif KİV-lərində çalışan jurnalistləri bir araya toplayıb.  Klub mütəmadi olaraq jurnalistlər üçün tədbirlər, yığıncaqlar, debat görüşləri təşkil edir.

 

Əfsanə BAYRAMQIZI,
“Xalq qəzeti”

12 Oktyabr 2018 16:48 - XƏBƏRLƏR
XƏBƏRLƏR

Ən son xəbərləri səhifəmizdən də izləyin