Köhnə versiya

Ən son xəbərlər

Son buraxılış
Arxiv

Qazaxıstanda Əbdürrəhim bəy Haqverdiyev və Üzeyir Hacıbəyliyə ithaf edilən beynəlxalq konfrans keçiriləcək

Qazaxıstanın paytaxtı Nur-Sultanda yerləşən Beynəlxalq Türk Akademiyası (BTA) oktyabrın 2-də “Türk dünyası ədəbi, mədəni və ictimai-siyasi həyatının fədailəri: Əbdürrəhim bəy Haqverdiyev və Üzeyir Hacıbəyli” adlı beynəlxalq onlayn videokonfrans keçirəcək.

Tədbir Əbdürrəhim bəy Haqverdiyevin 150 illik yubileyinin qeyd edilməsi haqqında Prezident İlham Əliyevin 31 yanvar 2020-ci il tarixli sərəncamına, BTA-nın Elmi Şurasının bu ilin yanvar ayında Bakı şəhərində keçirilmiş son iclasında qəbul edilən fəaliyyət planına uyğun olaraq həyata keçirilir.

UNESCO ilə sıx əməkdaşlıq şəraitində keçiriləcək konfransda BTA-ya üzv ölkələrin (Azərbaycan, Qazaxıstan, Qırğızıstan, Türkiyə, Macarıstan (müşahidəçi üzv)) müvafiq nazirliklərinin rəhbər şəxslərinin, dünyanın müxtəlif ölkələrindən görkəmli elm adamları, ictimai xadimlər, səfirlər, beynəlxalq təşkilat rəhbərlərinin iştirakı və məruzəsi nəzərdə tutulur.

Beynəlxalq Türk Akademiyasının hazırladığı, ilk dəfə bir beynəlxalq təşkilat tərəfindən tərəfindən qazax dilində nəşr edilən və Azərbaycan Xalq Cümhuriyyəti haqqında faktların, tarixi xəritələrin, sənədlərin yer aldığı “Azərbaycan Xalq Cümhuriyyəti - 100” kitabının da konfrans çərçivəsində təqdimatı keçiriləcək.

M.MÜKƏRRƏMOĞLU,
“Xalq qəzeti”

23 Sentyabr 2020 09:48 - XƏBƏRLƏR
XƏBƏRLƏR
25 Oktyabr 2020 | 00:37
Hava proqnozu
25 Oktyabr 2020 | 00:29
Necəsən, əsgər anası?

Köhnə versiyamızdan xəbərləri izlə