Köhnə versiya

Ən son xəbərlər

Son buraxılış
Arxiv

“RBK-Ukrayna” Prezident İlham Əliyevin Ermənistan rəhbərliyini sərt tənqid edən fikirlərini yayıb

“RBK-Ukrayna” xəbər portalı Prezident İlham Əliyevin Azərbaycan Televiziyasına, İctimai Televiziyaya və Real Televiziyasına müsahibəsində Ermənistanın təcavüzkar siyasəti barədə fikirlərinə geniş yer ayırıb.

Portal dövlət başçımızın Ermənistanın təxribatçı əməllərinə dair səsləndirdiyi bu fikirlərə diqqət çəkir: “Ermənistan tərəfindən qanunsuz məskunlaşdırma aparılır. Bu, bütün beynəlxalq konvensiyalara ziddir. Bu, Cenevrə Konvensiyasına tamamilə ziddir, bu, cinayətdir. İşğal edilmiş torpaqlara haradansa insan gətirib qanunsuz məskunlaşdırmaq cinayətdir”.

Daha sonra vurğulanır ki, Prezident İlham Əliyev Ermənistanın baş naziri Nikol Paşinyanı Dağlıq Qarabağ münaqişəsinin həllini uzatmaq üçün təxribatlara əl atmaqda təqsirləndirir.

Materialda Azərbaycan Prezidentinin müsahibəsindəki daha bir mühüm məqam diqqətə çatdırılır: “Ermənistan yeni müharibəyə hazırlaşır. Təmas xəttinə yaxın onların qüvvələrinin konsentrasiyası baş verir. Biz hər şeyi görürük, hər şeyi izləyirik”.

Emil HÜSEYNLİ
AZƏRTAC-ın xüsusi müxbiri

Kiyev

22 Sentyabr 2020 02:30 - XƏBƏRLƏR
XƏBƏRLƏR

Köhnə versiyamızdan xəbərləri izlə