Köhnə versiya

Ən son xəbərlər

Son buraxılış
Arxiv

Ərəb jurnalist: Ermənistan Livandan Qarabağa erməni ailələrini deyil, yaxşı təlim keçmiş silahlıları köçürür

Milliyyətcə ərəb olan araşdırmaçı jurnalist, Cənubi Qafqaz üzrə ekspert Əbdül Həmid Qutub bildirib ki, Ermənistan Livandan Azərbaycanın işğal olunmuş ərazilərinə erməni ailələrini deyil, yaxşı təlim keçmiş erməni silahlılarını köçürür.

Ekspert qeyd edib ki, Livan erməniləri 1970-1980-ci illər vətəndaş müharibəsi zamanı müsəlman ərəblərə, eləcə də digər azlıqlara qarşı amansız cinayətlər törədiblər.

Livan erməniləri hərb işi yaxşı öyrənib və sirr deyil ki, Azərbaycanın işğal olunmuş ərazilərinə köçürülmüş “ailələr” arasında dəstələr yaratmaq, şəhər və dağ landşaftı şəraitində döyüş əməliyyatları keçirmək bacarıqlarına malik təcrübəli erməni silahlılarının sayı çoxdur.

Ekspertin sözlərinə görə, bu barədə az adam yazsa da, Azərbaycanın işğal olunmuş ərazilərinə ermənilər təkcə Livan və Suriyadan köçürülmür: “Vaxtilə Misir ermənilərinin də Ermənistanda və Azərbaycanın işğal olunmuş ərazilərində hərbi hazırlıq keçməsi barədə sənədli faktlar mövcuddur”.

Əbdül Həmid Qutub bildirib ki, bu faktı yerli nəşrlərin birində jurnalist işləyən Misir ermənisi Üsamə Eidanın çəkdiyi sənədli videokadrlar da təsdiq edir. Bu kadrlarda Misir ermənilərinin Ermənistanda və Azərbaycanın işğal olunmuş ərazilərində hərbi düşərgələrdə təlim keçdiyi görünür.

Ərəb jurnalist qeyd edib ki, Ermənistan Livan ermənilərinin ailələrini Azərbaycanın işğal olunmuş ərazilərinə Ermənistanla “xristian həmrəyliyi” göstərən Livan hökumətinin dəstəyi ilə köçürür: “Bütün bunlar regionun demoqrafik tərkibinin dəyişdirilməsinə yönəlib”.

Ekspert vurğulayıb ki, BMT qətnamələrinə əsasən, Ermənistan Azərbaycanın işğal olunmuş ərazilərini azad etməlidir, amma buna baxmayaraq, bu ölkənin hakimiyyəti erməni diasporunun dəstəyi ilə bu qətnamələri icra etmir. Bu da düşünməyə əsas verir ki, nüfuzlu beynəlxalq təşkilatlar erməni diasporunun girovuna çevrilib: “Azərbaycanın işğal olunmuş əraziləri beynəlxalq hüququn, o cümlədən də BMT qətnamələrinin öldüyü və ya dəfn olunduğu yerdir”.

Ərəb ölkələrinin mövqeyinə gəldikdə Ə.H.Qutub bildirib ki, ərəb ölkələri tərəddüdsüz şəkildə İslam Əməkdaşlıq Təşkilatının üzvü olan Azərbaycanla həmrəyliyini nümayiş etdirməlidir: “Təəssüf ki, bu gün heç bir ərəb ölkəsi Azərbaycanla lazımi həmrəylik göstərmir. Ərəb ölkələri Azərbaycanla həmrəylik və qardaşlıq nümayiş etdirən Türkiyəni nümunə götürərək real dəstək göstərməlidir”.

Ekspert hesab edir ki, ərəb ölkələrinin hökumətləri Azərbaycanla bütün məsələlərdə sıx əməkdaşlıq etməlidir, amma Azərabaycan da öz növbəsində ərəb ölkələrində öz diasporunu fəallaşdırmalıdır.

17 2020 11:17 -

Köhnə versiyamızdan xəbərləri izlə