Ən son xəbərlər

Son buraxılış
Arxiv

Qeyri-formal məşğulluğun qarşısının alınması mövzusunda seminar

Qeyri-formal məşğulluğun qarşısının alınması mövzusunda seminar

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidməti tərəfindən işəgötürənlərin iştirakı ilə qeyri-rəsmi məşğulluğun qarşısının alınması mövzusunda seminar keçirilib.

Seminarda qeyri-formal məşğulluğun qarşısının alınması üçün yerli icra hakimiyyəti orqanları yanında məşğulluğa kömək üzrə əlaqələndirmə komitələrinin işinin səmərəli təşkil edilməsi və komitələrin dövlət qurumları ilə əməkdaşlığı barədə müzakirələr aparılıb. Qeyri - rəsmi məşğulluğa dair hesabat formalarının tətbiqi qaydası, qiymətləndirmə meyarları barədə maarifləndirmə işlərinin həyata keçirildiyi bildirilib.

ƏƏSMN-nin ictimaiyyətlə əlaqələr şöbəsindən bildiriblər ki, tədbirdə qeyri-formal məşğulluğun iqtisadiyyata, vergi və sosial sığorta daxilolmalarına ciddi ziyan vurmaqla yanaşı, işçilərin əmək və sosial müdafiə hüquqlarından məhrum olması ilə nəticələndiyi vurğulanıb. Qeyd edilib ki, hər bir işəgötürən bunu nəzərə alaraq, işçilərlə əmək münasibətlərinin rəsmiləşdirilməsini təmin etməli və qeyri-formal məşğulluq hallarının qarşısının alınması kimi vacib prosesə öz töhfələrini verməlidirlər.

 

Z.BƏŞİRQIZI,
“Xalq qəzeti”

11 Oktyabr 2018 18:40 - SOSİAL HƏYAT
SOSİAL HƏYAT
10 Dekabr 2018 | 16:23
Dünyanın ən yaxşı dostuna

Ən son xəbərləri səhifəmizdən də izləyin