• USD: 1.7000
  • EUR: 1.9267
  • RUB: 0.0258
  • TRY: 0.3163
  • Bakı + 15.7 ° C / 65%

Ən son xəbərlər

Son buraxılış
Arxiv

Kaliforniyadakı erməni təxribatına qarşı etiraz kampaniyasına daha bir təşkilat qoşulub

Kaliforniyadakı erməni təxribatına qarşı etiraz kampaniyasına daha bir təşkilat qoşulub

Amerika Azərbaycan Şəbəkəsi (US Azeris Network) Kaliforniya Ştatının Qlendeyl şəhərindəki məşhur Merilend prospektinin adının dəyişdirilərək “Arsax” adlandırılmasına etiraz olaraq Birləşmiş Ştatlarda məktub kampaniyasına başlayıb.

Kampaniya onlayn formada keçirilir və ABŞ-da yaşayan soydaşlarımız məktubu imzalayaraq müvafiq qanunverici və administrativ səlahiyyətli orqanlara göndərəcəklər.  Məktubda deyilir ki, oktyabrın 2-də Qlendeyl şəhər şurası Merilend prospektinin adını dəyişərək “Arsax” adlandırıb. Bildirilir ki, etnik cəmiyyətlərin küçə, bina və təşkilatların adlandırılması üçün müraciəti başadüşüləndir, amma bu addım erməni-amerikan icmasının mövcudluğunu deyil, Azərbaycan torpaqlarının işğalı faktını əks etdirir.

Məktubda Qlendeyldə artıq ermənilərin Ermənistanla yaxınlığını əks etdirən çox sayda küçə, rayon adlarının olduğu xatırladılır və diqqətə çatdırılır ki, məşhur prospektə "Arsax" adının verilməsi Azərbycan torpaqlarında qondarma rejim quran Ermənistan dövlətinin işğalına dəstək cəhdidir. 

Məktubda azərbaycanlıların Ermənistan ordusu və millətçiləri tərəfindən zorla evlərindən çıxarılması faktı da vurğulanır. 

 

“Xalq qəzeti”

11 Oktyabr 2018 12:38 - SİYASƏT
SİYASƏT

Ən son xəbərləri səhifəmizdən də izləyin