Köhnə versiya

Ən son xəbərlər

Son buraxılış
Arxiv

Gürcüstanda yeni azərbaycandilli məktəb tikilir

Gürcüstanın Laqodexi rayonunda azərbaycanlıların yaşadığı Qabal kəndində yeni ictimai məktəb inşa olunur.

“Report”un yerli bürosu xəbər verir ki,  ölkənin baş naziri Giorgi Qaxaria hakim Gürcü Arzusu Partiyasının liderləri ilə birgə kəndə baş çəkib və tikinti işləri ilə tanış olub.

Azərbaycandilli məktəb 300 şagird üçün nəzərdə tutulub və müasir standartların tələblərinə tam cavab verəcək.  

Laqodexi bələdiyyəsində 30 ildən çoxdur yeni təhsil müəssisəsi inşa olunmayıb. Bu il Bələdiyyələrin İnkişafı Fondunun vəsaiti hesabına rayonda biri Qabal kəndində olmaqla iki ictimai məktəb tikilir.

Hakim partiyadan bildirilib ki, məktəb və məktəbəqədər təhsil müəssisələrinin inşası prioritet olaraq qalır və 2012-ci ildən bu sahədə bir sıra layihələr reallaşdırılıb. 

 

“Xalq qəzeti”

12 Avqust 2020 12:40 - XƏBƏRLƏR
XƏBƏRLƏR
1 Oktyabr 2020 | 10:58
Kino kimi bir həyat yaşadı

Köhnə versiyamızdan xəbərləri izlə