Köhnə versiya

Ən son xəbərlər

Son buraxılış
Arxiv

“Baktelekom”dan sakinlərə səyyar xidmət

Nəqliyyat, Rabitə və Yüksək Texnologiyalar Nazirliyinin tabeliyindəki “Bakı Telefon Rabitəsi” MMC (Baktelekom) tərəfindən Biləcəri qəsəbəsi sakinlərinə yerində xidmət göstərilməsi üçün səyyar vətəndaş qəbulu təşkil olunub.

Nazirlikdən verilən məlumata görə, xüsusi karantin rejimində vətəndaşlar qəsəbədə yeni qurulmuş optik rabitə xidmətlərinə məsafə qət etmədən qoşulmaq üçün müraciət imkanı əldə ediblər.

“Baktelekom”un səyyar komandası “Evədək optika” xidmətinin üstünlükləri, genişzolaqlı multimedia xidmətləri və sərfəli tarif paketləri haqqında sorğuları cavablandırıb. Vətəndaşlara bir optik xətt üzərindən telefon, internet və televiziya xidmətlərindən istifadə imkanı barədə məlumat verilib.

Qeyd edək ki, bundan öncə “Evədək optika” layihəsi “Baktelekom” tərəfindən köhnə və yeni yaşayış binalarında tətbiq edilirdi. Artıq fərdi yaşayış evlərinin də optik xətlərlə təchiz olunması prosesinə başlanıb. Sakinlərin genişzolaqlı telekommunikasiya xidmətlərinə qoşulmasına imkan yaradılır.

“Xalq qəzeti”

 

11 2020 10:54 - XƏBƏRLƏR
XƏBƏRLƏR

Köhnə versiyamızdan xəbərləri izlə