Köhnə versiya

Ən son xəbərlər

Son buraxılış
Arxiv

Deputatlar şəhidin ata ocağını ziyarət ediblər

Hər bir şəhid bizim qürur yerimizdir. Onların həyatı, döyüş yolu, şəhidlik məqamı gənclərimiz üçün əsil vətənpərvərlik məktəbidir. Şəhidlər hər gün anılmalı, xatırlanmalı, onların haqqında maraqlı məlumatlar paylaşılmalıdır. Onların ailələri də unudulmamalı, bu övladı boya-başa çatdıranlar daim yad edilməlidir.

Millİ Məclisin deputatları Qənirə Paşayeva və Məşhur Məmmədov bu ənənəyə uyğun olaraq, Qurban bayramı günlərində, şəhid əsgər Xəyyam Məhəmməd oğlu Daşdəmirovun İsmayıllının Balik kəndindəki ata ocağını ziyarət ediblər. Deputat Qənirə Paşayeva şəhid əsgərin ailə üzvləri ilə görüşün onunçün həm duyğuverici, həm də bir mənəvi borc ifadəsi olduğunu deyib: “Tovuz istiqamətində 12 iyuldan başlayan ağır döyüşlərdə bizim hərbi bölmələrimizin mətin duruşu, hər bir hərbçimizin vətənpərvərliyi, qorxmazlığı bizlərə qürur bəxş etdi. Hərbçilərimizin əziz canlarını Vətən torpaqları uğrunda qurban verməsi xalqımız tərəfindən unudulmayacaq. Ruhuna daim ehtiram içində olduğumuz şəhidlərimizin ailələri də bizimçün həmişə əziz olacaq”.

Deputat Məşhur Məmmədov Tovuz döyüşlərinin bir çox həqiqətləri üzə çıxardığını, o cümlədən xalq-dövlət birliyinin necə möhkəm olduğunu bir daha parlaq şəkildə göstərdiyini deyib. Bildirib ki o da hadisələrin qaynar vaxtı Tovuza səfər edib, qəhrəman oğullarımızın, yerli əhalinin, tovuzlu gənclərin ovqatını öz gözləri ilə görüb, şahid olub. M.Məmmədov Tovuz döyüşlərində şəhid olmuş digər şəhidlərin ailələrinin də ziyarət edildiyini, belə ziyarətlərin bir mənəvi borc olduğunu bildirib.

Şəhid əsgərin ailə üzvləri, doğmaları öz ürək sözlərini bölüşüb. Deputatlar şəhid əsgərin ailə üzvlərinin qayğıları ilə maraqlanıblar. Qeyd edək ki, ordumuzun əsgəri Xəyyam Daşdəmirov düşmənin Tovuz istiqamətindəki mövqelərimizi ələ keçirmək məqsədi ilə başlatdığı hücumun ilk günü ağır yaralanıb, həkimlərin səyinə baxmayaraq, həyatını xilas etmək mümkün olmayıb.

Ruhu şad olsun.

Hazırladı:
Z.BƏŞİRQIZI,
“Xalq qəzeti”

5 2020 15:02 -

Köhnə versiyamızdan xəbərləri izlə