Köhnə versiya

Ən son xəbərlər

Son buraxılış
Arxiv

İsveçrə Azərbaycanlılarının Koordinasiya Şurası yaradılıb

Berndə İsveçrədəki Azərbaycan diaspor təşkilatları nümayəndələrinin toplantısı keçirilib. Toplantıda Diasporla İş üzrə Dövlət Komitəsinin sədri Fuad Muradov və Azərbaycan Respublikasının İsveçrə Konfederasiyası və Lixtenşteyn Knyazlığındakı səfiri Xanım İbrahimova iştirak ediblər.
Diasporla İş üzrə Dövlət  Komitəsindən aldığımız məlumatda deyilir ki, tədbirdə İsveçrədəki Azərbaycan diasporunun fəaliyyəti, problemlər və gələcək planlar müzakirə olunub. Bu ölkədəki cəmiyyət rəhbərləri və üzvlərinin bir araya gətirilməsinin, onların əlaqələrinin möhkəmləndirilməsinin vacibliyi vurğulanıb. Bu məqsədlə İsveçrə Azərbaycanlıları Koordinasiya Şurasının yaradılması qərara alınıb. Şurada Bazel-Stadt “Azərbaycanın Dostları” Birliyi, Berndə fəaliyyət göstərən Azərbaycanlıların İsveçrədəki Mədəniyyət Mərkəzi (AİMM) və Azərbaycan–İsveçrə Türk Cəmiyyəti təmsil olunur. Şuranın əlaqələndiricisi AİMM-in sədri Qasım Nəsirov seçilib.
Həmin gün Dövlət Komitəsi ilə İsveçrə Konfederasiyasındakı səfirliyimizin birgə layihəsi olan “Qarabağ” adlı Azərbaycan məktəbinin açılışı olub. 

Samirə ƏLİYEVA, 
“Xalq qəzeti”

 

9 Oktyabr 2018 12:29 - XƏBƏRLƏR
XƏBƏRLƏR

Köhnə versiyamızdan xəbərləri izlə