Köhnə versiya

Ən son xəbərlər

Son buraxılış
Arxiv

Futbol üzrə İngiltərə kubokunun qalibi müəyyənləşib

İyulun 1-də futbol üzrə İngiltərə kuboku (FA) uğrunda yarışın final görüşü oynanılıb.

AZƏRTAC xəbər verir ki, “Uembli” stadionunda Londonun iki təmsilçisi - “Arsenal” və “Çelsi” komandaları üz-üzə gəliblər.

Qarşılıqlı hücumlar şəraitində keçən görüşdə “Arsenal” klubu 2:1 hesabı ilə qalib gəlib.

Oyunda hesabı “Çelsi” komandası erkən qolla açıb. Matçın 5-ci dəqiqəsində Kristian Pulişiçin zərbəsi dəqiq olub - 0:1. Görüşün 28-ci dəqiqəsində Kiyeran Tierneyin ötürməsində sonra Pyer Emerik-Obameyanq qapıçı ilə üzə-üzə qalıb. Lakin “Çelsi”nin müdafiəçisi və kapitanı Sezar Azpiliketa cərimə meydançasında rəqibinə qarşı kobud oynayıb. Matçın baş hakimi videonəzarət sisteminə (VAR) baxdıqdan sonra “Çelsi”nin qapısına 11 metirlik cərimə zərbəsi təyin edib. Zərərçəkən zərbəni dəqiq yerinə yetirib - 1:1. Qarşılaşmanın 68-ci dəqiqəsində “Arsenal” klubu qələbə topunu vurub. Nikolas Pepenin ötürməsindən sonra Obameyanq fərdi ustalığı sayəsində topu qapıçının başı üzərindən qapıya göndərib. Beləliklə, qabonlu hücumçu dublunu rəsimləşdirərək oyunda son nöqtəni qoyub – 2:1.

Oyunun 73-cü dəqiqəsində “Çelsi” klubunun yarımmüdafiəçisi Mateo Kovaçiç ikinci dəfə sarı vərəqə ilə cəzalandırılaraq meydandan kənarlaşdırılıb.

Beləliklə, 2:1 hesabı ilə qalib gələn “Arsenal” tarixində 14-cü dəfə İngiltərə Liqa kubokunu başı üzərinə qaldırıb. Komanda bu göstərici üzrə öz rekordunu yeniləyib.

Xatırladaq ki, “Arsenal” yarımfinalda “Mançester Siti”ni (2:0), “Çelsi” isə “Mançester Yunayted”i (3:1) məğlub edib.

2 Avqust 2020 11:00 - İDMAN
İDMAN
30 Sentyabr 2020 | 10:11
Bakıdakı Qran-pri ləğv olundu
30 Sentyabr 2020 | 09:59
"Traktor"dan Azərbaycana dəstək
29 Sentyabr 2020 | 21:41
Messinin rekordu təkrarlandı

Köhnə versiyamızdan xəbərləri izlə