Ən son xəbərlər

Son buraxılış
Arxiv

Azərbaycan olimpiyaçıları Argentinada

Azərbaycan olimpiyaçıları Argentinada

Bu gün uzaq Argentinada Yeniyetmələrin III Yay Olimpiya Oyunlarına start veriləcək. Olimpiadanın proqramına idmanın 32 növü üzrə yarışlar daxildir. Oyunların mükafatları uğrunda 206 ölkədən 4 minə qədər atlet mübarizə aparacaq. 
Əlbəttə, bu günlər Azərbaycanın da yeniyetmə olimpiyaçıları Aregentinanın qonağıdırlar. Onlar paytaxt Buenos-Ayresdə Olimpiya startlarında 9 növdə 17 nəfərlə təmsil olunacaqlar.
İdmançılarımız boks, atletika, stolüstü tennis, taekvondo, cüdo, güləş, gimnastika, ağırlıqqaldırma və üzgüçülük yarışlarında çıxış edəcəklər.
Xatırladaq ki, Yeniyetmələrin I Yay Olimpiya Oyunları 2010-cu ildə Sinqapurda keçirilmişdir. Azərbaycan həmin Olimpiadada 5 qızıl və 3 gümüş medal qazanaraq ümumi komanda hesabında 11-ci yeri tutmuşdu. Bundan dörd il sonra Çin Xalq Respublikasının Nankin şəhərində təşkil edilən ikinci Olimpiadada nəticə belə olmuşdu – 5 qızıl, 6 gümüş və 1 bürünc medalla 10-cu yer.
Bu gün isə Buenos-Ayres Olimpiadası starta çıxır. Argentinanın baş şəhərində Olimpiya həyəcanları oktyabrın 18-dək davam edəcək.

Oqtay BAYRAMOV, 
“Xalq qəzeti”

5 Oktyabr 2018 21:33 - İDMAN
İDMAN
13 Dekabr 2018 | 14:42
“Kardiff Siti” stadionunda
13 Dekabr 2018 | 14:34
Finişin iki addımlığında
13 Dekabr 2018 | 12:57
Qahirədən ikinci mükafatla
12 Dekabr 2018 | 22:42
“Qarabağ” Londonda
12 Dekabr 2018 | 12:59
Fransa, Gürcüstan...
12 Dekabr 2018 | 11:59
Adelaidada növbəti tur

Ən son xəbərləri səhifəmizdən də izləyin