Köhnə versiya

Ən son xəbərlər

Son buraxılış
Arxiv

Baş infeksionist: İnsanların test analizi vermədən özlərini müalicə etməsi yolverilməzdir

İnsanların COVİD-19-un əlamətlərini müşahidə edən kimi test analizi vermədən, həkim nəzarəti olmadan özlərini müalicə etməsi yolverilməzdir.

Səhiyyə Nazirliyinin baş infeksionisti Cəlal İsayev bildirib ki, müalicənin aparılması üçün həkim xəstəyə baxış keçirməlidir: "İnsanların hansı dərmanlardan istifadə etməsini həkim müəyyən etməlidir. Kimsə xəstəliyin bir əlamətini özündə müşahidə edən kimi özbaşına dərman qəbul edərək "mən artıq yaxşıyam, həkimə getmirəm" deyə bilər. Amma bu hal, ümumiyyətlə, xəstənin özünün evdə özbşına müalicəsi yolverilməzdir".

C.İsayev bir çox insanların özlərini COVİD-19-la mübarizəyə hazırlamaq üçün arbidol dərmanından istifadə etməsini də yolverilməz sayıb: "Arbidol COVİD-19 virusuna çox zəif təsir göstərir. İnsanlar bütün hallarda orqanizmlərini virusa hazırlamaq istəyirlərsə, bunu dərmanla deyil, düzgün qidalanma ilə etməlidirlər. Özünü virusdan qorumağa hazırlayan insan yaxşı, vitaminli qidalar qəbul etməli, yaxşı yatmalı, stressdən uzaq olmalı, zərərli vərdişlərini tərgitməlidir. Bütün bunlar immunitetin güclənməsinə səbəb olan faktorlardır. Sağlam qidalanma, sağlam yuxu, zərərli vərdişlərin tərgidilməsi orqanizmin təbii şəkildə güclənməsinə səbəb olur".

 

2 2020 13:58 -

Köhnə versiyamızdan xəbərləri izlə