Köhnə versiya

Ən son xəbərlər

Son buraxılış
Arxiv

Beynəlxalq Türk Mədəniyyəti və İrsi Fondunun prezidenti Günay Əfəndiyevadan

Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident.

Azərbaycanımızın 28 May - Respublika Günü münasibətilə Sizi Beynəlxalq Türk Mədəniyyəti və İrsi Fondu adından səmimi qəlbdən təbrik edirəm.

Bu gün Azərbaycanın hər sahədə dinamik inkişafı yalnız ölkə vətəndaşlarını deyil, bütün türk dünyasını sevindirir. Son zamanlar koronavirus (COVID-19) pandemiyasının yaratdığı mövcud şəraitdə bilavasitə Sizin təşəbbüsünüzlə həyata keçirilən qabaqlayıcı tədbirlər, eləcə də türkdilli dövlətlər arasında birliyi gücləndirmək naminə təşkil olunan beynəlxalq videokonfranslar hər birimizi fərəhləndirir.

Sizin məqsədyönlü siyasətiniz nəticəsində Azərbaycan Respublikası türk dünyasının öndə irəliləyən mədəni mərkəzlərindən birinə çevrilmişdir. Təşəbbüsünüzlə yaradılan Beynəlxalq Türk Mədəniyyəti və İrsi Fondu türkdilli ölkələrin mədəniyyətini təbliğ edən bir beynəlxalq təşkilat kimi hər zaman ortaq dəyərlərimizin qorunması və dünyada tanıdılması istiqamətində missiyasını davam etdirəcəkdir.

Fürsətdən istifadə edərək, müqəddəs Ramazan bayramı münasibətilə Sizi təbrik edir, Zati-alinizə cansağlığı, Azərbaycanın inkişafı və tərəqqisi naminə fəaliyyətinizdə uğurlar, Azərbaycan xalqına sülh və firavanlıq diləyirəm.

Dərin hörmətlə,

Günay Əfəndiyeva

Beynəlxalq Türk Mədəniyyəti və İrsi Fondunun prezidenti

24 2020 18:03 - MƏKTUBLAR
MƏKTUBLAR

Köhnə versiyamızdan xəbərləri izlə