Köhnə versiya

Ən son xəbərlər

Son buraxılış
Arxiv

Növbəti ünvan: Novxanı kəndi

Əmlak Məsələləri Dövlət Komitəsi tərəfindən  “Əmlakını qeydiyyata al, mülkiyyətinə sahib ol” adlı sosial aksiya növbəti həftə Abşeron rayonu,  Novxanı kəndində keçiriləcək. Vətəndaşların rahatlığını təmin edərək bütün növ daşınmaz əmlakın qeydiyyat xidmətləri səyyar formada təqdim ediləcək. Sakinlər 01-05 oktyabr tarixlərində, saat 09:00-dan 17:00-dək Novxanı kəndi, Şıxəli Qurbanov küçəsi 1 (Novxanı İcra Nümayəndəliyinin qarşısında) ünvanındakı mobil ofislərə yaxınlaşa bilərlər.

Əlçatan xidməti sürətli və müasir üsullarla vətəndaşlara təklif edən bu layihə ərazi idarəsinə getmədən fərdi yaşayış evləri, bağ evləri, həyətyanı torpaq sahələri və digər daşınmaz əmlakları qeydiyyata almağa şərait yaradır.

 

Əlipənah BAYRAMOV,
“Xalq qəzeti”

1 Oktyabr 2018 16:26 - XƏBƏRLƏR
XƏBƏRLƏR

Köhnə versiyamızdan xəbərləri izlə