Köhnə versiya

Ən son xəbərlər

Son buraxılış
Arxiv

Fabrik tovuzlu qazi və şəhid ailələrinə 3000 maska hədiyyə edib

Cənab Prezident İlham Əliyev və Birinci vitse-prezident Mehriban Əliyevanın açılışında iştirak etdikləri "Bakı Tekstil Fabriki" Tovuz rayonu 105 saylı seçki dairəsindən deputat seçilmiş Qənirə Paşayevanın xahişi və təşəbbüsü ilə Tovuz rayonunda yaşayan şəhid ailələri, müharibə əlilləri, qazilər, tənha şəxslər, aztəminatlı ailələr üçün 3000 maska hədiyyə edib.

Qənirə Paşayeva 105 saylı seçki dairəsi ilə bağlı müraciətinə belə çətin günlərdə həssaslıqla yanaşan "Bakı Tekstil Fabriki"nin rəhbərliyi və kollektivinə dərin təşəkkür edib və minnətdarlığını bildirib. Fabrikin istehsalı olan maskalar artıq Tovuz rayonuna göndərilib, artıq sakinlərə paylanılmaqdadır. Qənirə Paşayeva bildirib ki, son zamanlar Prezident İlham Əliyevin karonavirusla bağlı mübarizədə atdığı zəruri addımları, eləcə də ölkəmizin maska təminatı ilə bağlı gördüyü işləri, "Bakı Tekstil Fabriki"nin açılışını etməsi cəmiyyətimiz üçün belə həssas məqamda olduqca önəmli hadisədir. Cənab Prezidentimizin bildirdiyi kimi "Biz birlikdə güclüyük!" və hər kəs öz imkanları daxilində dünyanı cənginə almış karonavirusla mübarizədə öz töhfəsini verməli, xalqımızın sağlamlığı, dövlətimizin rifahı naminə yoluxmaların qarşısını almaq üçün Nazirlər Kabineti yanında operativ qərargahın elan etdiyi qadağalara, tövsiyələrə və müəyyən edilən qaydalara riayət etməlidir. Həmçinin #EvdəQal çağırışına qoşulmaqla, özünü, ailəsini və yaxınlarını qorumalıdır.

Z.BƏŞİRQIZI,
“Xalq qəzeti”

9 2020 12:20 - CƏMİYYƏT
CƏMİYYƏT

Köhnə versiyamızdan xəbərləri izlə