Köhnə versiya

Ən son xəbərlər

Son buraxılış
Arxiv

“Relax”da karantin müddətini başa vurmuş 197 nəfər evə buraxılıb

Lerikdə yerləşən "Relax" istirahət mərkəzində xaricdən ölkəmizə gətirilib karantin müddətini başa vuran vətəndaşlarımizin bir qismi evə buraxılıb.

Bu barədə  “Relax” turizim istirahət  mərkəzinin rəhbəri, sahibkar Çingiz Məmmədov məlumat verib: "Karantində qalan bəzi vətəndaşlarımız müddət başa çatdığı üçün evlərinə yollanıb. Çox sevindirici haldır ki, vətəndaşlarımız qaldıqları yerdən razılıq ifadə ediblər. Şükürlər olsun ki, hamı sağ-salamat evinə geri dönə bildi. 197 nəfər vətəndaşımız evə buraxılıb. Hazırda karantində 98 nəfər şəxs qalır. 197 nəfər evə buraxılan kimi, bütün otaqlar dizenfeksiya edilib və təmizlənib".

Sahibkar Ç.Məmmədov təmizlikcilər tərəfindən otaqların birində məktub aşkarlandığını da qeyd edib: "Məktubu yazan Mehrin və Mədinə adlı iki tələbə bacıdır.Onlar qaldıqları yerdən, onlara göstərilən diqqətdən, otaqların təmizliyindən, aşpazların dadlı yeməklər hazırlamasindan razı qaldıqlarını bildiriblər. Təbii ki, vətəndaşlarımızdan belə xoş sözlər eşitmək bizim üçün də qürurvericidir"

 Qeyd edək ki, sahibkarlar arasında ilk dəfə olaraq “Relax” turizim istirahət mərkəzinin rəhbərliyi ölkəmizdə koronavirusla mübarizəyə dəstək məqsədi ilə Nazirlər Kabineti yanında yaradılan operativ qərargaha müraciət edərək xaricdən gətirilən vətəndaşlarımızı “Relax” turizim istirahət mərkəzində yerləşdirilməsi ilə bağlı müraciət etmişdir. Müraciəti yüksək qiymətləndirən operativ qərarga vətəndaş həmrəyliyinə görə "Relax"ın rəhbərliyinə xüsusi təşəkkürünü bildirib.  

 “Xalq qəzeti”

5 2020 22:45 - XƏBƏRLƏR
XƏBƏRLƏR

Köhnə versiyamızdan xəbərləri izlə