Köhnə versiya

Ən son xəbərlər

Son buraxılış
Arxiv

Dövlət Aqrar Ticarət Şirkəti ilə “Aqroeksport” şirkəti arasında memorandum imzalanıb

Dövlət Aqrar Ticarət Şirkəti ilə “Aqroeksport” şirkəti arasında memorandum imzalanıb

Heydər Əliyev Mərkəzində IX Azərbaycan-Rusiya Regionlararası Forumu keçirilib. Forum zamanı Azərbaycan Respublikası Kənd Təsərrüfatı Nazirliyinin tabeliyində Dövlət Aqrar Ticarət Şirkəti ilə Rusiya Federasiyası Kənd Təsərrüfatı Nazirliyi nəzdindəki “Aqroeksport” şirkəti arasında gələcək əməkdaşlıqla bağlı memorandum imzalanıb.

Dövlət Aqrar Ticarət Şirkətinin direktoru Leyla Məmmədova imzalanmış memorandumu üç aydır fəaliyyət göstərən şirkətin ilk beynəlxalq uğuru kimi qiymətləndirib: “Dövlət Aqrar Ticarət Şirkəti ilə Rusiya Federasiyasının analoji şirkətləri arasında əməkdaşlıq iki ölkə arasındakı münasibətlərdə yeni bir mərhələ olacaq, həm ölkələrimiz arasında ticarət dövriyyəsinin artmasına öz müsbət təsirini göstərəcək, həm də qarşılıqlı əməkdaşlığın faydalarını hər iki tərəf hiss edəcək. Rusiyanın aqrar sahədə fəaliyyət göstərən zəngin təcrübəyə malik şirkətlərinin təcrübəsindən yararlanmaq xüsusilə kiçik və orta fermer təsərrüfatı sahiblərinə faydalı olacaq”.

Rusiya şirkətləri ilə əməkdaşlığın daha bir istiqamətinin təcrübə və bilik mübadiləsinin aparılması olduğunu deyən DATŞ rəhbəri iki ölkə arasında münasibətlərin inkişafında aqrar sahənin payının gələcəkdə daha da artacağını, eyni zamanda, fyuçers kontraktlar (müqaviləyə əsaslanan istehsal) vasitəsilə Azərbaycanın keyfiyyətli və təbii kənd təsərrüfatı məhsullarının etibarlı tərəfdaş kimi Dövlət Aqrar Ticarət Şirkəti vasitəsilə Rusiya bazarlarına çıxarılacağını bildirib.

 

Əlipənah BAYRAMOV,
“Xalq qəzeti”

28 2018 12:22 - XƏBƏRLƏR
XƏBƏRLƏR

Köhnə versiyamızdan xəbərləri izlə